សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ តូបលក់គ្រឿងទេសមួយខ្នងសង់អំពីឈើប្រក់សង្ក័សី ជញ្ជាំងស័ង្កសីត្រូវបានអគ្គិភ័យឆាបឆេះទាំងស្រុងខណៈដែលម្ចាស់ផ្ទះដេកលក់ សង្ស័យដោយសារភ្លេចពន្លត់ភ្លើងចង្ក្រាន ។ ហេតុការណ៍នេះបានកើតឡើងកាលពីវេលាម៉ោង១២យប់ថ្ងៃទី១ ខែតុលា ឆ្នាំ២០១៧ ស្ថិតនៅភូមិអូរដូនអាម ឃុំព្រះពន្លា ស្រុក កំពង់រោទ៍ ។
យោងតាមសមត្ថកិច្ចនគរបាលស្រុកបានឲ្យដឹងថា ម្ចាស់តូបឈ្មោះហែន ដារ៉ា ភេទប្រុស អាយុ៥២ឆ្នាំ មានប្រពន្ធឈ្នោះ ប៉ែន សារ៉េត អាយុ៤៥ឆ្នាំ មុខរបរលក់អីវ៉ាន់ចាប់ហូយ មានទីលំនៅភូមិអូរដូនអាម ឃុំ ព្រះពន្លា ស្រុកកំពង់រោទ៍ ។
ម្ចាស់តូបបានឲ្យដឹងថា សម្ភារដែលខូច ខាតរួមមាន ទឹកសុទ្ធ១០៥យួរ , កំប៉ុង ហ្គាសតូច១៥០កំប៉ុង ,ប៊ីចេង ៣៥គីឡូ ក្រាម , ស្ករស៧៥គីឡូក្រាម ,ទូកញ្ចក់ ៣ទូ,ធុងទឹកកកធំ១ ,ខ្ទឹមស១០០គីឡូ ក្រាម សរុបជាទឹកប្រាក់អស់៤.៤៩៥. ០០០រៀល ។
ករណីនេះកើតឡើង សង្ស័យបណ្តាលមកពីរូបគាត់ភ្លេចពន្លត់ភ្លើងចង្ក្រាន ដោយងងុយដេកពេកបានដើរទៅដេកនៅផ្ទះនខាងក្រោយចម្ងាយប្រហែល៥ម៉ែត្រ ពីតូបលក់ដូរ ហើយពេលដែលដឹងគឺភ្លើងឆេះពេញបន្ទុកទៅហើយ ៕ យឹម សុថាន
