សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែត៖ នគរបាលប៉ុស្តិ៍និមិត្តឃាត់ខ្លូនជនសង្ស័យម្នាក់ លួចម៉ូតួកាលពីវេលាម៉ោង៩និង៣៥នាទីព្រឹក ថ្ងៃទី៩ ខែតុលា ឆ្នាំ២០១៧ នៅចំណុចភូមិនិមិត្តថ្មី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ នៅពេលកម្លាំងប៉ុស្តិ៍និមិត្តបានល្បាត ឃើញជនសង្ស័យម្នាក់ ដើរដឹកម៉ូតូ ពេលនោះ កម្លាំងល្បាត បានឈប់សួរជននេះជនសង្ស័យរួបនោះឆ្លើយគ្មានគោលដៅច្បាស់ នគរបាលបាន នាំជននេះ មកប៉ុស្តិ៍ដើម្បី សាកសួរ តែមិនដឹងមកពីណា ម្តងថាមកពីភ្នំពេញជាដើម។
សមត្ថកិច្ចប្រាប់ថា ជនសង្ស័យ និងម៉ូតូបានទុកនៅនឹងប៉ុស្តិ៍ និមិត្តជនសង្ស័យឈ្មោះ ឡុង វី វី ភេទប្រុស អាយុ១៨ឆ្នាំ ទីលំនៅមិនពិតប្រាកដ យោងតាមការស្រាវជ្រាវជនសង្ស័យបានលួចយកម៉ូតូនៅភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ នៅក្នុងរោងការ ម្ចាស់ម៉ូតូកំពុង ចាក់ធុងបាស់ បាត់ម៉ូតូនៅក្នុង ចន្លោះម៉ោង១១ យប់ ដល់ម៉ោង៤ទៀបភ្លឺ ថ្ងៃទី៩ ខែតុលា ឆ្នាំ២០១៧។
ម្ចាស់ម៉ូតូឈ្មោះ សួន ប៉ុង ភេទប្រុស អាយុ ៣៧ឆ្នាំរស់នៅភូមិ ខ្លាកូនចាស់ សង្កាត់ កំពង់ស្វាយក្រុងសិរីសោភ័ណ ខេត្តបន្ទាយ មានជ័យ។ ករណីនេះ លោកវរសេនីយ៍ឯក ធិន សុិនដេត អធិការនគរបាល ក្រុងប៉ោយប៉ែត កំពុងកសាង សំណុំរឿងដើម្បីបញ្ជូន ទៅការិយាល័យ ជំនាញខេត្ត ដើម្បីបន្តនីតិវិធី តាមច្បាប់។
ម្ចាស់ម៉ូតូ បានមកដល់ អធិការរដ្ឋាន នគរបាល ក្រុងប៉ោយប៉ែត ដើម្បីស្នើសុំយកម៉ូតូទៅប្រើប្រាស់វិញ៕វណ្ណា
