សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ ប្តីប្រពន្ធ ២នាក់ត្រូវបានកម្លាំងនគរបាលប៉ុស្តិ៍រដ្ឋបាលរលាប ឃាត់ខ្លួនរួមទាំងវត្ថុតាង និងសម្ភារ ខណៈត្រូវបានគេសង្ស័យប្តីប្រពន្ធរូបនេះគាស់ផ្ទះប្រជាពលរដ្ឋម្នាក់ចូលលួចទ្រព្យសម្បតិ្ត នៅគ្រាម្ចាស់ផ្ទះចាក់សោទៅផ្សារ។
ករណីនេះធ្វើឡើងកាលពីវេលាម៉ោង៧ព្រឹកថ្ងៃទី១៧ ខែតុលា ឆ្នាំ២០១៧ នៅមុខ(វត្តសូរិយា) ត្រង់ចំណុចផ្ទះឈ្មោះ មឹុង សុខុម ភេទស្រី អាយុ៥៧ឆ្នាំ ជនជាតិខ្មែរ ស្ថិតក្នុងភូមិសូរិយាលើ សង្កាត់រលាប ក្រុង-ខេត្តពោធិ៍សាត់ ។
លោក អនុសេនីយ៍ឯក អ៊ុន ហូ នាយប៉ុស្តិ៍នគរបាលរដ្ឋបាលរលាបបានឲ្យដឹងថា ប្តីប្រពន្ធត្រូវ ឃាត់ខ្លួនឈ្មោះ ទុយ ភារម្យ ហៅរូ ភេទប្រុស អាយុ ២៩ឆ្នាំ ជនជាតិខ្មែរ បច្ចុប្បន្ន រស់នៅភូមិអូរបាក្រងក្រោម សង្កាត់បន្ទាយដី ក្រុង-ខេត្តពោធិ៍សាត់ និងប្រពន្ធឈ្មោះ ថា ថង អាយុ២៧ឆ្នាំ ជនជាតិខ្មែរ។
លោកបន្តថា ក្នុងកិច្ចប្រតិបត្តិការខាងលើនេះកម្លាំងដកហូតវត្ថុតាងរួមមាន.កាបូបស្ពាយពណ៌ខ្មៅលាយស១.បារី ៤កញ្ចប់.មានហ្វីន២កញ្ចប់ និងបារីម៉ាយសឺវែន២កញ្ចប់.លុយខ្មែរ ៨.៣០០០រៀល និងកាតទូរស័ព្ទ៣៣សន្លឹក មានទឹកប្រាក់៤៥ដុល្លារ ។
លោក អនុសេនីយ៍ឯក នាយប៉ុស្តិ៍នគរបាលរដ្ឋបាលរលាប បើតាមការស្រាវជ្រាវប្តីប្រពន្ធ ២នាក់រូបនេះបានធ្វើដំណើរម៉ូតូ ១គ្រឿងម៉ាក ស្មាសរីវ៉ូ ពណ៏ខ្មៅ ប៉ុន្តែគេដឹងថាធ្វើដំណើរមកពីណានោះទេ ខណៈនោះប្រពន្ធអង្គុយចាំនៅលើម៉ូតូដោយឡែកប្តីបានចូលធ្វើសកម្មភាព(គាស់សោរ) ប៉ុន្តែជាអកុសលស្រ្តីម្ចាស់ផ្ទះឈ្មោះ មឹុង សុខុម ត្រឡប់មកផ្សារវិញទាន់ពេលក៍ឃើញកំពុងធ្វើសកម្មភាពជាក់ស្តែងតែម្តង ក៍នាំគ្នាស្រែកផ្អើលឆោឡោឡើងបង្កការភ្ញាក់ផ្អើលកើតឡើងតែម្តង ខណៈនោះដែរប្តីប្រពន្ធសង្ស័យក៍បាននាំគ្នាជិះម៉ូតូរត់គេចខ្លួន ប៉ុន្តែត្រូវបានប្រជាពលរដ្ឋ និងសមត្តកិច្ចនគរបាលសហការគ្នាតាមព័ទចាប់នៅវាលស្រែឆ្ងាយពីកន្លែងធ្វើសកម្មភាព ទើបនាំខ្លួនទៅប៉ុស្តិ៍នគរបាលរដ្ឋបាលរលាបដើម្បីបន្តនីតិវិធី ហើយបានបំពេញសំណុំបែបបទបន្ថែម និងបញ្ជូនទៅអធិការដ្ឋាននគរបាលក្រុងពោធិ៍សាត់ចាត់កាបន្ត៕ ប៉ឹម ពិន
