សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តធុនធំមួយគ្រឿង បានបើកទៅបុករថយន្តកាមរីបាឡែនពីក្រោយយ៉ាងពេញទំហឹង បណ្ដាលឲ្យរងការខូចខាតយ៉ាងដំណំ ប៉ុន្តែមិនបង្កឲ្យនរណាម្នាក់រងរបួសឡើយ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតទ្បើងនៅវេលាម៉ោង៩និង៥០នាទីយប់ថ្ងៃទី២០ ខែតុលា ឆ្នាំ២០១៧ ស្ថិតនៅតាមបណ្តោយផ្លូវ៣៧១ សង្កាត់ដង្កោ ខណ្ឌដង្កោ រាជធានីភ្នំពេញ។
ប្រជាពលរដ្ឋនៅកន្លែងកើតហេតុថា ឃើញរថយន្តកាមេរីបាទ្បែនមួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2AQ-7758 បើកបរដោយបុរសម្នាក់ ធ្វើដំណើតាមបណ្ដោយផ្លូវ៣៧១ ទិសដៅពីជើងទៅត្បូង លុះមកដល់ចំណុចកើតហេតុ គាត់ក៏បានអកសឺជាមួយម៉ូតូមួយគ្រឿង ដែលបត់ឆ្លងផ្លូវនៅពីមុខ ទើបធ្វើឲ្យរថយន្តកាមរីបាឡែនចាប់ហ្វ្រាំងឈប់ភ្លាមៗ ពេលនោះ ក៏ត្រូវរថយន្តធុនធំមួយគ្រឿង ប្រភេទដឹកស៊ីម៉ង់ត៍ ពាក់ស្លាកលេខ ព្រះសីហនុ 3A-5125 បើកបរស្របទិសដៅគ្នា ក្នុងល្បឿនលឿន ហើយក៏ចាប់ហ្វ្រាំងមិនទាន់ ក៏ជ្រុលទៅបុករថយន្តកាមរីបាឡែនពីក្រោយយ៉ាងពេញទំហឹងតែម្ដង បណ្តាលឲ្យរថយន្តបាទ្បែនខ្ទេចផ្នែកខាងក្រោយយ៉ាងដំណំ តែមិនបណ្តាលឲ្យមានអ្នករងរបួសទេ។
ក្រោយពេលកើតហេតុ ភាគីខាងរថយន្តធុនធំបានព្រមជួសជុលរថយន្តកាមរីបាឡែនឲ្យដូចដើមវិញដើម្បីបញ្ចប់រឿងនៅនឹងកន្លែង ៕ ភារ៉ា ដង្កោ
