សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ក្មេងប្រុសម្នាក់លង់ទឹកស្លាប់យ៉ាងអាណោចអាធ័ម ពេលតាមឪពុកទៅច្រូតស្មៅគោ ។
ហេតុការណ៍នេះបានកើតឡើងកាលពីវេលាម៉ោង១៣និង២០នាទី ថ្ងៃទី២១ ខែតុលា ឆ្នាំ២០១៧ នៅចំណុចភូមិប្រាសាទ ឃុំប្រាសាទ ស្រុកសន្ទុក ខេត្តកំពង់ធំ។
លោកវរសេនីយ៍ត្រី ស្រី សំណាង មេបញ្ចាការកងរាជអាវុធហត្ថស្រុកសន្ទុក បានឲ្យដឹងថា មុនពេលកើតហេតុ ឪពុក ក្មេងប្រុសរងគ្រោះជាប់រវល់ច្រូតស្មៅគោ ឯកូនចុះលេងទឹក មកជួយមិនទាន់ ទើបបណ្ដាលក្មេងប្រុសលង់ទឹកប្រឡាយ ស្លាប់នៅក្រោយផ្ទះតែម្ដង ។ ក្មេងប្រុសរងគ្រោះ ឈ្មោះ សេន ឡាយ ភេទប្រុស អាយុ៧ឆ្នាំ មាន ឪពុក ឈ្មោះសាំង សេន អាយុ២៧ឆ្នាំ និងម្ដាយឈ្មោះ យឹម សាន់ អាយុ ២៧ឆ្នាំ រស់នៅភូមិប្រាសាទ ឃុំប្រាសាទ ស្រុកសន្ទុក ខេត្តកំពង់ធំ។
ក្រោយកើតហេតុ សមត្ថកិច្ចធ្វើកុសល្យវិច័យលើសាកសពរួចសន្និដ្ឋានថា ពិតជាស្លាប់ដោយសារ លង់ទឹកប្រាកដមែន រួចប្រគល់សាកសពឲ្យ សាច់ញាតិ ក្រុមគ្រួសារ ឪពុកម្ដាយ ធ្វើបុណ្យតាមប្រពៃណី ៕ ប៊ុន រិទ្ធី
