សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖កម្លាំងនគរបាលប៉ុស្តិ៍ទួលសង្កែបានស្រាវជ្រាវឃាត់ខ្លួនជនសង្ស័យម្នាក់និងថ្នាំញៀនចំនួន៦កញ្ចប់ គ្រាដែលជនសង្ស័យរូបនេះកំពុងចែកចាយនៅតាមផ្លូវសាធារណៈមិនខ្លាច ញញើតសមត្ថកិច្ចសូម្បីតែបន្តិច ។
ការឃាត់ខ្លួនជនសង្ស័យខាងលើបានប្រព្រឹត្តទៅកាលពីវេលាម៉ោង៨ព្រឹកថ្ងៃទី២៣ខែតុលាឆ្នាំ២០១៧នៅត្រង់ចំណុចប្លុកអង់តែនទូរទស្សន៍ជាតិកម្ពុជា(អង់តែនទួលគោក)ក្នុងក្រុម៣ផ្លូវលំភូមិទួលសំពៅសង្កាត់ទួលសង្កែ១ខណ្ឌឬស្សីកែវ។
មន្ត្រីនគរបាលប៉ុស្តិ៍ទួលសង្កែបានឲ្យដឹងថាជនសង្ស័យដែលឃាត់ខ្លួននេះមានឈ្មោះ សម្បត្តិផានិតភេទប្រុស អាយុ២៧ឆ្នាំមុខរបរនិងស្នាក់នៅមិនពិតប្រាកដ។ ជនសង្ស័យរូបនេះ ត្រូវឃាត់ខ្លួននៅពេលដែលកំពុងចែកចាយថ្នាំញៀនយកប្រាក់ចំណេញ នៅចំណុចខាងលើ ហើយពេលជួបសមត្ថកិច្ចបម្រុងរត់គេចខ្លួន តែត្រូវសមត្ថកិច្ចខាត់ខ្លួនបាន ។
សមត្ថកិច្ចដដែលបានឲ្យដឹងទៀតថា ជាលទ្ធផលក្នុងកិច្ចប្រតិបត្តិការនេះកម្លាំងសមត្ថកិច្ចធ្វើការដកហូតបានវត្ថុតាងថ្នាំញៀនប្រភេទក្រាមពណ៌សថ្លាចំនួន៦កញ្ចប់តូចរួមនឹងសម្ភារៈប្រើប្រាស់ថ្នាំញៀនមួយចំនួន។
បច្ចុប្បន្នជនសង្ស័យខាងលើកំពុងឃាត់ខ្លួនណ្តោះអាសន្ននៅប៉ុស្តិ៍នគរបាលរដ្ឋបាលទួលសង្កែដើម្បីសាកសួរនិងកសាងសំណុំរឿងបញ្ជូនទៅអធិការដ្ឋាននគរបាលខណ្ឌឫស្សីកែវចាត់ការតាមច្បាប់បន្ត ៕ អរុណរះ
