សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ ៖ នៅថ្ងៃទី២៩ ខែតុលា ឆ្នាំ២០១៧ វេលាម៉ោង២៣ និង៣០នាទី មានអគ្គីភ័យ កើតឡើងនៅវិទ្យាល័យ សុខ អាន ក្ដីទទ្ទឹម ស្ថិតក្នុងភូមិថ្កូវ ឃុំជើងគួន ស្រុកសំរោង ខេត្តតាកែវ ។
ករណីខាងលើបណ្ដាលឲ្យខូចខាតទីចាត់ការវិទ្យាល័យ២បន្ទប់ បណ្ណាល័យ១បន្ទប់ សម្ភារ និងឯកសារអស់ទាំងស្រុង ។
ក្រោយពីទទួលបានព័ត៌មានភ្លាម លោកឧត្តមសេនីយ៍ទោ សុខ សំណាង ស្នងការនគរបាលខេត្ត បានបញ្ជាកម្លាំងជំនាញការិយាល័យបង្ការ ពន្លត់អគ្គីភ័យ នៃស្នងការការដ្ឋាននគរបាកខេត្ត ចេញរថយន្តពន្លត់អគ្គិភ័យចំនួន២គ្រឿង ដើម្បីជួយអន្តរាគមន៍ពន្លត់បានទាំងស្រុងនៅវេលាម៉ោង០៣ និង០០នាទីរំលងអធ្រាត្រ ឈានចូលថ្ងៃទី៣០ ខែតុលា ឆ្នាំ២០១៧ ។
ក្រោយពេលកើតហេតុ សមត្ថកិច្ចសន្និដ្ឋានថា មូលហេតុ នៃអគ្គីភ័យនេះ គឺបណ្តាលមកពីទុស្សេរ៍ខ្សែភ្លើង ៕ ភ្នំដា
