សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្នុងឱកាសព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុកនេះ រដ្ឋបាលខណ្ឌដូនពេញ មានកិត្តិយសសូមជម្រាបជូនដំណឹងដល់បងប្អូន ដែលបានសុំច្បាប់អនុញ្ញាតប្រកបអាជីវកម្មទទួលផ្ញើម៉ូតូទាំងអស់ក្នុងមូលដ្ឋានខណ្ឌដូនពេញ អនុវត្តឲ្យបាននូវកិច្ចសន្យារវាងបងប្អូនអាជីវករ ជាមួយនឹងអាជ្ញាធរខណ្ឌកន្លងមក ជាពិសេស រដ្ឋបាលខណ្ឌ សូមហាមដាច់ខាតការយកតម្លៃនៃការផ្ញើម៉ូតូខ្ពស់កប់ពពកពីបងប្អូនប្រជាពលរដ្ឋទូទៅដែលមកកម្សាន្តក្នុងឱកាសនេះឡើយ ។
រដ្ឋបាលខណ្ឌ សូមធ្វើការណែនាំបន្ថែមដូចខាងក្រោម៖
១-មិនអនុញ្ញាតឲ្យយកតម្លៃផ្ញើម៉ូតូលើសពី ១,៥០០៛-២,០០០៛/គ្រឿង
២-រក្សាឲ្យបាននូវចិញ្ចើមផ្លូវអ្នកថ្មើជើង
៣-ហាមយកសួនច្បារ-ស្មៅសួន ធ្វើអាជីវកម្មផ្ញើយានយន្ត
៤-គោរពឲ្យបាននូវកិច្ចសន្យាជាធរមាន ។
ក្នុងករណីរដ្ឋបាលខណ្ឌ ពិនិត្យឃើញថា មានការយកតម្លៃលើសពីចំនួនខាងលើនោះ រដ្ឋបាលខណ្ឌ នឹងចាត់វិធានការយ៉ាងម៉ឹងម៉ាត់បំផុតដោយមិនលើកលែងឡើយ ។
ជាមួយគ្នានេះ រដ្ឋបាលខណ្ឌ សូមអំពាវនាវដល់បងប្អូនប្រជាពលរដ្ឋទាំងអស់ មេត្តាចូលរួមសហការជាមួយអាជ្ញាធរមានសមត្ថកិច្ច ក្នុងបញ្ហាខាងលើនេះផងដែរ ។
រាល់ការរាយការណ៍របស់មហាជន ត្រូវបានរក្សាការសំងាត់ ៕ ស តារា
