សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី៣ នៃ ព្រះរាជពិធីបុណ្យអុំទូកបាន បញ្ចប់ទៅមានសំរាមនិងកាកសំណល់ផ្សេងៗនៅរាយពាសពេញផ្លូវច្រាំទន្លេ សួនច្បារទីលានសាធារណៈក្រៅពីធុងសំរាម ក្ដីតែក្នុងយប់នោះ ក្រុមការងារ រដ្ឋបាលរាជធានី ភ្នំពេញ និងធ្វើការប្រមូលសំរាមនិងការបាញ់ទឹកលាងសំអាតផ្លូវ យ៉ាងស្អាតភ្លាម នៅគ្រប់ទីតាំងនៃការប្រារព្វពិធីនៅ ព្រលឹមថ្ងៃទី៤ខែវិច្ឆិកា នេះ។ការសហការណ៍គ្នាបានយ៉ាងល្អរវាងអាជ្ញាធររាជធានីភ្នំពេញ មន្ទីរសាធារណការនិងដឹកជញ្ជូនរាជធានីភ្នំពេញ ក្រុមហ៊ុនក្រុមហ៊ុនស៊ីនទ្រី រួមនិងការចូលរួមយ៉ាងល្អពីប្រជាពលរដ្ឋ ។
នេះបើតាមការបញ្ជាក់ឲ្យដឹងពី លោកសំ សាមុត ប្រធានអង្គភាពសួនច្បារ និងរុក្ខជាតិ នៃមន្ទីរសាធា រណការ និងដឹកជញ្ជូនរាជធានីភ្នំពេញ បានឱ្យដឹងនៅព្រឹកថ្ងៃនេះ។
លោក សំ សាមុត បានបញ្ជាក់ឲ្យដឹងថា៖ កម្លាំងអ្នកបោសសំអាតមានជាង៣០០នាក់ ទាំង៣ថ្ងៃ នៃព្រះពិធីបុណ្យអំទូក បណ្តែតប្រទីប អកអុំបុកនិង សំពះព្រះខែនេះ ក្រុមការងាររបស់លោកបានប្រតិ បត្តិការណ៍បោសសំអាតសំរាមនិងកាកសំណល់នៅគ្រប់ទីតាំងនៃកន្លែងប្រារព្វពិធី ដោយចាប់ផ្តើមពីម៉ោង ១២យប់ថ្ងៃទី២ ,៣,៤, វិច្ឆិកា រហូតដល់ម៉ោង៧ព្រឹកទើបហើយ ការងារនេះបានបញ្ចប់ទៅបានយ៉ាងល្អទៅនឹងផែនការដែលអភិបាលរាជធានី ភ្នំពេញ លោក ឃួង ស្រេង បានដាក់ចុះ។ មន្ត្រីគ្រប់គ្រងកាកសំណល់រាជធានីភ្នំពេញបានឱ្យដឹងថា៖ សំរាប់ព្រះរាជពិធីបុណ្យអុំទូក ក្នុងរយៈពេល ៣ថ្ងៃនេះ រដ្ឋបាលរាជធានីភ្នំពេញ និងផ្នែកពាក់ព័ន្ធ មានកម្លាំង ប្រមូលសំរាមក្នុងតំបន់ព្រះរាជពិធីនេះមានចំនួន៥៨០នាក់ រថយន្ត៦៥គ្រឿង និងរទេះអូស៥០គ្រឿង ដោយចែកចេញជាពីរវេន គឺវេនទី១ពេលថ្ងៃ ចាប់អនុវត្តពីម៉ោង៥ព្រឹក រហូតដល់ម៉ោង៤ល្ងាច និងវេនទី២ពេលយប់ ចាប់ពីម៉ោង១១ យប់រហូតដល់ម៉ោង៧ព្រឹក ហើយវេននីមួយៗមានមេការ ត្រួតពិនិត្យការប្រមូលសំរាមនៅជុំវិញតំបន់ព្រះរាជពិធីទាំងពីរវេនសរុបជិតជិត២០នាក់ថែមទៀត។
លោក ដួង ចាន់សារ៉ាត ប្រធានអង្គភាពលូទឹក នៃមន្ទីរសាធារណការនិងដឹកជញ្ជូនរាជធានីភ្នំពេញ ក៏បានដឹកនាំក្រុមការងាររបស់លោក ចុះប្រតិបត្តិការ បាញ់ទឹកលាងសំអាត នៅគ្រប់ទីតាំងនៃកន្លែងប្រារព្វពិធីនេះផងដែរ ដោយចាប់ផ្តើមពីម៉ោង៥ព្រឹករ ហូតដល់ម៉ោង១០ព្រឹកដោយប្រើប្រាស់រថយន្តបាញ់ទឹកចំនួន៥គ្រឿងទាំងនៅត្រើយខាងលិចក្នុងទីតាំងប្រារព្ធពិធីនិងត្រើយខាងកើត ។
សូមបញ្ជាក់ថា៖ អាជ្ញាធររាជធានីភ្នំពេញ និងក្រុមហ៊ុនស៊ីនទ្រី បានត្រៀមកម្លាំង៦០០នាក់រថយន្ដ ៦៥គ្រឿង រទេះអូសសំរាម៥០គ្រឿង ធុង សំរាមនិងកញ្ឆេរចំនួន១៣០០ ដើម្បីធានានៃការប្រមូលសំរាមឲ្យបានទាន់ពេល ក្នុងព្រះរាជពិធីបុណ្យអុំទូក បណ្តែតប្រទីប អកអុំបុកនិង សំពះព្រះខែក្នុងរយៈពេល៣ ថ្ងៃនេះ៕ សំរិត
