សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ជនសង្ស័យ៣នាក់ ត្រូវបានកំលាំងកងរាជអាវុធហត្ថ ស្រុកសហការជាមួយអាវុធហត្ថខេត្តឃាត់ខ្លួនកាលពីវេលាម៉ោង ២០ និង១០នាទី ថ្ងៃ៥ ខែវិច្ឆិកា ឆ្នាំ២០១៧ នៅចំណុចភូមិចេក ឃុំសំរោង ស្រុកចន្ទ្រា ពាក់ពន្ធ័ករណីគ្រឿងញៀន។
មន្ត្រីអាវុធហត្ថខេត្តបានឲ្យនគរវត្តដឹងថា ក្រោ្រមការចង្អុលបង្ហាញពីលោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង កម្លាំងជំនាញនៃកងរាជអាវុធហត្ថខេត្ត ចុះប្រតិបត្តិការបង្រ្កាបករណី រក្សាទុក និងជួញដូរដោយខុសច្បាប់នូវសារធាតុញៀនចំនួន២លើកនៅចំណុចភូមិចេក ឃុំសំរោង ស្រុកចន្រ្ទា ខេត្តស្វាយរៀង ចំណុចខាងមុខកាស៊ីណូ ៨៨៨ ឃាត់ខ្លួនជនសង្ស័យចំនួន៣នាក់ មានឈ្មោះ ឡេ យូ ភេទប្រុស អាយុ ២០ ឆ្នាំ ជនជាតិវៀតណាម រស់នៅភូមិសាមគ្គី សង្កាត់ទូលសង្កែ ខណ្ឌ័ឬស្សីកែវ រាជធានីភ្នំពេញ, ឈ្មោះ ផាម ធីហ៊ីង ភេទស្រី អាយុ ៣៣ឆ្នាំ មានទីលំនៅភូមិរាប់សឺង ឃុំរាប់សឺង ស្រុកកាយ៉ូវ ខេត្តតាយនិញ ប្រទេសវៀតណាម និង-ឈ្មោះ ងៀន អាញ់ទ្វីន ភេទប្រុស អាយុ ៣៨ ឆ្នាំ មានទីលំនៅ ទីក្រុងហាយ យឿន ខេត្តយាយ យឿន ប្រទេសវៀតណាម ។
ប្រភពបន្តថា ចំពោះវត្ថុតាងដកហូតរួមមាន ទូសព្វ័ដៃចំនួន៣ គ្រឿង ថ្នាំញៀន៤ កញ្ចប់តូចមានទម្ងន់ ០.៥០ ក្រាម (គិតទាំងសំបកវិចខ្ចប់ )។
បច្ចុប្បន្ន ជនសង្ស័យ និងវត្ថុតាង ត្រូវបានមន្រ្តីជំនាញ កងរាជអាវុធហត្ថខេត្ត ស្វាយរៀងកសាងសំណុំរឿងបញ្ជួនទៅតុលាការខេត្តស្វាយរៀង ៕ យឹម សុថាន
