សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ ៖ ថ្ងៃទី១៥ ខែវិច្ឆិកា ឆ្នាំ២០១៧ ម៉ោង ១៦ និង២០នាទីនៅចំណុច វិទ្យាល័យ ហ៊ុន សែន ត្នោតជុំ ស្ថិតនៅភូមិ ត្នោតជុំ ឃុំ អូសារាយ ស្រុក ត្រាំកក់ កម្លាំងជំនាញអធិការដ្ឋាននគរបាលស្រុកត្រាំកក់ សហការជាមួយកម្លាំងប៉ុស្តិ៍នគរបាលរដ្ឋបាលអូសារាយ បានបង្ក្រាបនឹងឃាត់ខ្លួនជនសង្ស័យជាក្មេងទំនើងចំនួន៤នាក់ រួមជាមួយដាវ ទីបដែក និងថ្នាំញៀន៦កញ្ចប់។
យោងតាមរបាយការណ៍របស់អធិការដ្ឋាននគរបាលស្រុកបាទី បានឲ្យដឹងថា ក្មេងទំនើងទាំង៤នាក់មាន ទី១ឈ្មោះ ភូ ម៉ៃ ភេទ ប្រុស អាយុ១៧ឆ្នាំនៅភូមិ ត្នោតជុំ ឃុំ អូសារាយ, ទី២ឈ្មោះ ងាំ សៀវព្រេង ភេទ ប្រុស អាយុ១៧ឆ្នាំ រស់នៅភូមិ ទួលខ្លុង ឃុំ អូសារាយ, ទី៣ឈ្មោះ ភួង សត្យា ភេទ ប្រុស អាយុ ២០ឆ្នាំ រស់នៅភូមិ ត្រពាំងក្រសាំង ឃុំ អូសារាយ និងទី៤ឈ្មោះ ឃន ពៅ ភេទ ប្រុស អាយុ១៧ឆ្នាំ រស់នៅភូមិ ប្រកៀប ឃុំ ត្រពាំងធំខាងត្បូង ។
ការឃាត់ខ្លួនបានធ្វើឡើងខណៈដែលក្រុមក្មេងទំនើងទាំងនេះប៉ុនប៉ងប្រើ ហិង្សាប្រដាប់ដោយ ដាវ និងទីបដែក ស្ទាក់កាប់លើសិស្សសាលាដដៃទៀត ។ ក្រោយឃាត់ខ្លួនកម្លាំងសមត្ថកិច្ចដកហូតវត្ថុតាងរួមមានៈ ដាវដែកចំនួន២ដើម ទីបដែកចំនួន២ដើម រួមជាមួយថ្នាំញៀនចំនួន៦កព្ចាប់តូច ទូរសព្ទ័ដៃ១គ្រឿង ម៉ូតូ១គ្រឿង។
បច្ចុប្បន្ន ជនសង្ស័យ និងវត្ថុតាង កម្លាំងជំនាញកំពុងកសាងសំណុំរឿងតាមធីច្បាប់៕ ភ្នំដា
