សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងការិយាល័យបទល្មើសគ្រឿងញៀនរាជធានីភ្នំពេញសហការជា កម្លាំងមូលដ្ឋានកងរាជអាវុធហត្ថខណ្ឌពោធិ៍សែនជ័យចុះបង្ក្រាបជនសង្ស័យជួញដូរគ្រឿងញៀន នៅវេលាម៉ោង ១១ និង ៣០ នាទីព្រឹក ថ្ងៃទី២០ ខែវិច្ឆិកា ឆ្នាំ២០១៧ នៅចំណុច ភូមិប៉ប្រក សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ឃាត់ខ្លួនមនុស្សចំនួន៣នាក់ដកហូតថ្នាំញៀននិងសំភារះមួយចំនួន។
សមត្ថកិច្ចបានឲ្យដឹងថា ក្នុងប្រតិបត្តិកាបង្ក្រាបនេះដកហូតវត្ថុតាងរួមមាន៖ ម្សៅក្រាមពណ៌សថ្លាចំនួន៦កញ្ចប់ រថយន្តចំនួន ០៣ គ្រឿង, ទូរស័ព្ទចំនួន ០៩ គ្រឿង, ជញ្ជីងសម្រាប់ថ្លឹងគ្រឿងញៀន ០១ គ្រឿង, ប្រាក់រៀល ៣.៤០០០.០០០ ៛ និងប្រាក់ដុល្លារ ៨.៨៨៥ ដុល្លារ។
បច្ចុប្បន្នជនសង្ស័យ និងវត្ថុតាងបញ្ជូនមកបញ្ជាការដ្ឋាន កងរាជអាវុធហត្ថរាជធានីភ្នំពេញ ដើម្បីបន្តនីតិវិធី៕ សុខាសែនជ័យ
