សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ មនុស្ស៣នាក់បានរងរបួសធ្ងន់ជាប់នៅក្នុងកាប៊ីនរថយន្ត ត្រូវបានប្រជាពលរដ្ឋបាន និង សមត្ថកិច្ចបានជួយសង្រ្គោះ នៅក្នុងឧប្បត្តិហេតុគ្រោះថ្នាក់ចរាចរណ៍មួយ ដែលបង្កឡើងកាលរវាងរថយន្តធំពីរគ្រឿងដែលបើកបរក្នុងទិសដៅច្រាស់ ។ ហេតុការណ៍នេះបានកើតឡើងកាលពីវេលាម៉ោងនៅម៉ោង៥និង១០នាទីជិតភ្លឺ ថ្ងៃទី២២ ខែវិច្ឆិកា ឆ្នាំ២០១៧ នៅលើផ្លូវជាតិលេខ៥ ក្នុងភូមិទួលខ្សាច់ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។
នគរបាលចរាចរណ៍ស្រុករលាប្អៀរបានឲ្យដឹងថា នៅមុនពេលកើតហេតុ កេឃើញមានរថយន្តមួយគ្រឿងពាក់ស្លាកលេខពោធិសាត់ ៣A-០៧៥៥ ធ្វើដំណើរពីភ្នំពេញទៅពោធិ៍សាត់ ដឹកបន្លែ និងផ្លែឈើ នៅពេលមដល់ចំណុចកើតហេតុក ក៏ស្រាប់តែមារថយន្តមួយគ្រឿងទៀតពាក់ស្លាកលេខ ក្រចេះ ៣A. ០២១៩ ជារថយន្តដឹកគ្រឿងសំណង់ពីប៉ោយប៉ែត ទៅក្រុងភ្នំពេញក្នុងដំណើរច្រាស់ទិសគ្នា។ មកដល់ចំណុចកើតហេតុ ក៏បានបុកគ្នាពេញទំហឹងតែម្តង បណ្តាលឲ្យរថយន្តដឹកផ្លែឈើក្រឡាប់ ដោយឡែករថយន្តដឹកស៊ីម៉ង់ត៍ត្រូវដាច់កង និង បណ្តាលឲ្យមានមនុស្សរងរបួសចំនួន៣នាក់ជាប់នៅក្នុងកាប៊ីនរថយន្ត ។
ក្រោយពេលកើតហេតុ ប្រជាពលរដ្ឋបាននាំគ្នាជួយសង្រ្គោះជនរងគ្រោះយកចេញពីកាប៊ីនរថយន្ត មកសង្រ្គោះបន្ទាន់នៅមន្ទីរពេទ្យខេត្ត ។
ចំណែកឯមធ្យោបាយបង្កត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុករលា ប្អៀរដើម្បីរង់ចាំដោះស្រាយទៅតាមនីតិវិធី ។
រហូតមកដល់នឹងពេលនេះ សមត្ថកិច្ចនៅមិនទាន់ស្គាល់អត្តសញ្ញាណជនរងគ្រោះនៅឡើយទេ ដោយជនរងគ្រោះសន្លប់នៅមិនទាន់និយាយរួច៕ ចន្ថា
