សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ គ្រាប់កាំភ្លើងយន្ត៣កេះត្រូវបានប្រទះឃើញ ខណៈដែលប្រជាពលរដ្ឋបើកអេស្កាវ៉ាទ័រកាយដីធ្វើរបងវត្ត។
ប្រភពឲ្យដឹងថា នៅថ្ងៃទី ២៤ ខែវិច្ឆិកា ឆ្នាំ២០១៧ វេលាម៉ោង១០និង៥នាទីព្រឹក នៅវត្តស្រែអំពិលឃុំឈើទាល ស្រុកកៀនស្វាយ ខេត្តកណ្ដាល មានឈ្មោះ ហេង ឡាយ ភេទប្រុស អាយុ៤០ឆ្នាំ ជនជាតិខ្មែរ អ្នកបើកគ្រឿងចក្រអេស្កាវ៉ាទ័រកាយដីធ្វើរបងវត្តស្រែអំពិល បានកាយដីឃើញគ្រាប់កាំភ្លើងយន្តចំនួន3កេះដែកពេញ ដែលកប់ក្នុងដីដែលបន្សល់ទុកពីសម័យសង្រ្គាម កំឡុងក្នុងឆ្នាំ 1973 ដោយសំបកកេះ និងគ្រាប់មានសភាពច្រេះសីុខូចគុណភាពហើយ ។
គ្រាប់កាំភ្លើងយន្តទាំងអស់បានយកមករក្សាទុកនៅប៉ុស្តិ៍នគរបាលឈើទាល និងប្រគល់ឲ្យផ្នែកជំនាញស្រុកបន្តនីតិវិធ៕
