សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ ជនសង្ស័យ២នាក់ ដែលជាមុខសញ្ញា ចរាចរថ្នាំញៀន ត្រូវបាននគរបាលព្រហ្មទណ្ឌស្រុកតំបែរ ចាប់ខ្លួន ខណៈពួកឡើងមកទិញដូរថ្នាំញៀន កាលពីយប់
ថ្ងៃទី២៤ ខែវិច្ឆិកា ឆ្នាំ ២០១៧ ។
លោកវរសេនីយ៍ត្រី ស៊ាន ម៉េងស៊ា អធិការរងទទួលផែនព្រហ្មទណ្ឌបានឲ្យដឹងថា ការឃាត់ខ្លួនជនសង្ស័យទាំង២នាក់ខាងលើ បន្ទាប់ពីកម្លាំងសមត្ថិកច្ចបានទទួលព៌ត៏មានពីកម្លាំងមូលដ្ឋានសម្ងាត់ថា មានជនសង្ស័យ២នាក់ ឡើងទៅទិញគ្រឿងញៀន ពីស្រុកឆ្លូង ខេត្តក្រចេះ យកមកលក់នៅស្រុកតំបែរ ។
លោកបានឲ្យដឹងទៀតថា ពេលនោះប្រើប្រាស់កម្លាំង៥នាក់ ដឹកនាំដោយលោកផ្ទាល់ បានរៀបចំកម្លាំងធ្វើរដ្ឋបាលចំហរឆែកឆេរត្រួតពិនិត្យអាវុធជាតិផ្ទុះ នៅចំណុចផ្លូវលំក្បាលស្ពានបណ្តឹសឫស្សី ឆ្លងព្រែក ស្ថិតក្នុងភូមិកំពង់រាំង ឃុំសេដា ស្រុកតំបែរ ខេត្តត្បូងឃ្មុំ រហូតដល់វេលាម៉ោង ១១-៣០នាទីនាថ្ងៃ ដដែល សមត្ថកិច្ចក៏បានប្រទះ ឃើញមុខសញ្ញាសង្ស័យចំនួន២នាក់ រួចឃាត់ឆែកឆេរលើខ្លួនប្រាណក៏រកថ្នាំញៀន០១កញ្ចប់តូច។
ជនសង្ស័យទាំង២នាក់ឈ្មោះ ១-ឈ្មោះ សារី យ៉េស ភេទប្រុស អាយុ២២ឆ្នាំ ជនជាតិចាម រស់នៅភូមិថ្នល់កែង ឃុំសឹដា ស្រុកតំបែរ ខេត្តត្បូងឃ្មុំ ២-ឈ្មោះ លី វ៉ាហេត ភេទប្រុស អាយុ១៧ឆ្នាំ ជនជាតិចាម រស់នៅភូមិព្រែកជរ ឃុំសេដា ស្រុកតំបែរ ខេត្តត្បូងឃ្មុំ ។
បច្ចុប្បន្នជនសង្ស័យទាំង២នាក់ខាងលើ បាននឹងកំពុងកសាងសំណុំរឿងតាមនីតិវិធី ៕ វណ្ណៈ
