សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ បន្ទាប់ពីទទួលព័ត៌មានអំពីមុខសញ្ញាជួញដូរថ្នាំញៀន កម្លាំងជំនាញផែនប្រឆាំងគ្រឿងញៀននៃអធិការដ្ឋាននគរបាលស្រុកត្បូូងឃ្មុំ និងដោយមានការចូលរួមសហការពីកម្លាំងប៉ុស្តិ៍នគរបាលរដ្ឋបាលស្រឡប់ ទើបកម្លាំងទទួលបានលទ្ធផលរហូតឃាត់ជនសង្ស័យម្នាក់ និងចាប់យកថ្នាំញៀនបានចំនួន២២កញ្ចប់ ។
នគរបាលបានឲ្យដឹងថា ការឃាត់ខ្លួនជនសង្ស័យខាងលើធ្វើឡើង នៅរសៀលម៉ោង៤និង៣០នាទី ថ្ងៃទី២៣ ខែវិច្ឆិកា ឆ្នាំ២០១៧ នៅចំណុចរោង ចាំចំការខាងកើត ភូមិចាន់ ទូងប្រហែល៥០០ម៉ែត្រ ។
ជនសង្ស័យដែលរងការចាប់ខ្លួនខាងលើឈ្មោះ អ៊ា ភឿក ភេទប្រុស អាយុ២៦ឆ្នាំ ជនជាតិខ្មែរ រស់នៅភូមិចាន់ទូង ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ។ បន្ទាប់ពីចាប់ខ្លួនឆែកឆេរលើខ្លួនរកឃើញម្សៅក្រាមពណ៌ស សង្ស័យថាថ្នាំញៀនចំនួន២២កញ្ចប់។
បច្ចុប្បុន្នជនសង្ស័យត្រូវបានបញ្ជូនមកអធិការដ្ឋាននគរបាលស្រុកតូ្បងឃ្មុំ ដើម្បីកសាងសំណុំរឿងបញ្ជូនទៅសាលា ដំបូងខេត្តត្បូងឃ្មុំចាត់ការបន្តតាមនីតិវិធី ៕ វណ្ណៈ
