សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ ជនសង្ស័យម្នាក់ត្រូវបានសមត្ថកិច្ចអាវុធហត្ថខេត្តកំពង់ឆ្នាំង ឃាត់ខ្លួនបានកាលពីរសៀលថ្ងៃទី២៤ ខែវិច្ឆិកា ឆ្នាំ២០១៧ នៅចំណុចវត្តត្រពាំងទឹកត្រជាក់ ស្ថិតក្នុងភូមិអូរតាសេក ឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង។
សមត្ថកិច្ចបានឲ្យដឹងថា ជនសង្ស័យមានឈ្មោះមាន រ៉ាវី ភេទប្រុស អាយុ២៧ឆ្នាំ មានទីលំនៅភូមិព្រៃតាយឹង ឃុំប្រសូត្រ ស្រុកស្វាយទាប ខេត្តស្វាយរៀង។ ក្នុងពេលឃាត់ខ្លួនសមត្ថកិច្ចថបានរកឃើញ មានថ្នាំញៀនចំនួន១កញ្ចប់ធំ និង ១៣កញ្ចប់ធំ ម៉ូតូ១គ្រឿង ជញ្ជីងថ្លឹងថ្នាំញៀន១គ្រឿង និង ឧបករណ៍សម្រាប់សេពគ្រឿងញៀនមួយចំនួនផងដែរ ។
សមត្ថកិច្ចកងរាជអាវុធហត្ថខេត្តកំពង់ឆ្នាំងបានឲ្យដឹងថា ជនសង្ស័យគឺជាមុខសញ្ញាដែលសមត្ថកិច្ចបានតាមដានជាយូរណាស់មកហើយ នៅថ្ងៃនេះ សមត្ថកិច្ចបានទទួលបាននូវព័ត៌មានស្តីពីសកម្មភាពរបស់ជនសង្ស័យហើយបានដាក់កម្លាំងចុះ ព័ទ្ធចាប់តែម្តង ។
នៅពេលនេះ ជនសង្ស័យត្រូវបានកសាងសំណុំរឿងបញ្ជូនទៅតុលាការដើម្បីចាត់ការបន្តទៅតាមនីតិវិធី ៕ ចន្ថា
