រថយន្តមិនស្គាល់ម៉ាកបើកកៀរម៉ូតូបណ្តាលឲ្យបុរស២នាក់រងរបួសបែកមុខមាត់

ភ្នំពេញ៖ បុរស២នាក់បានរងរបួសធ្ងន់ត្រូវបានរថយន្តសង្គ្រោះមកដឹកទៅមន្ទីរពេទ្យភ្លាមៗតែពួកគេមិនព្រមខណះជិះម៉ូតូទាំងស្ថានភាពស្រវឹងហើយត្រូវបានរថយន្តបើកមកកៀរបណ្តាលឲ្យដួលបោកទៅនងថ្នល់ កាលពីវេលាម៉ោង៨និង១៥នាទីយប់ថ្ងៃទី២៤ ខែវិច្ឆិកា ឆ្នាំ២០១៧ តាមបណ្តោយផ្លូវជាតិលេខ៣ ភូមិព្រៃព្រីងត្បូង សង្កាត់ចោមចៅ២ ខណ្ឌពោធិសែនជ័យ។

បើតាមប្រជាពលរដ្ឋនៅកន្លែងកើតហេតុបានឲ្យដឹងថា មុនកើតហេតុគេឃើញបុរសទាំង២ជិះម៉ូតូ ស្មាស់ ពណ៌ខ្មៅ ពាក់ស្លាកលេខភ្នំពេញ 1CN 1984 ឌុបគ្នារេពេញផ្លូវពីជើងទៅត្បូង លុះទៅដល់កន្លែងកើតហេតុ រេចង្កូតទៅបំណែកផ្លូវម្ខាង ស្របពេលនោះមានរថយន្តមួយគ្រឿង បើកពីជើងទៅត្បូងដូចគ្នា បើកដល់កន្លែងកើតហេតុ ស្រាប់តែម៉ូតូបើករេមកខាងស្តាំវិញ ធ្វើឲ្យរថយន្តអស់កន្លែងគេច ជ្រុលទៅកៀរម៉ូតូ ដួលរងរបួសទាំង២នាក់ ហើយរថយន្តបើករត់គេចទៅបាត់។

ក្រោយកើតហេតុ សមត្ថកិច្ច ចុះទៅដល់កន្លែងកើតហេតុ ហៅរថយន្តសង្រ្គោះ ដឹកបញ្ជូនជនរងគ្រោះទៅ ព្យាបាល តែជនរងគ្រោះ ប្រកែកមិនព្រមទៅទេ ពួកគេចង់ជិះម៉ូតូទៅផ្ទះវិញ ទើបរថយន្តសង្រ្គោះ វិលត្រឡប់ទៅវិញ៕សុខាសែនជ័យ