សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ហេតុការណ៍គ្រោះថ្នាក់ចរាចរណ៍មួយរវាងម៉ូតូ និងម៉ូតបានជិះប៉ះគ្នាបណ្តាលអោយរងរបួសស្រាលទាំងសងខាង ហើយពួកគាត់ក៏បានបញ្ចប់រឿងនៅចំណុចកើតហេតុ និងជិះចេញទៅរៀងខ្លួនស្រាប់តែ ត្រូវជនសង្ស័យពាក់អាវធំមានអក្សរប៉ូលិសបានបន្លំជាហៅទៅដោះស្រាយម្តងទៀតហើយយកម៉ូតូបើករត់គេចខ្លួនបាត់ស្រមោល បង្កឲ្យមានកាភ្ញាក់ផ្អើលកាលវេលាម៉ោង៩និង៣០នាទីយប់ថ្ងៃទី២៦ ខែវិច្ឆិកា ឆ្នាំ២០១៧ នៅតាមបណ្តោយផ្លូវវេងស្រេងទល់មុខបុរីពិភពថ្មី ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ ។
ជនរងគ្រោះមានឈ្មោះ រ៉េត តុលា ភេទប្រុស អាយុ២៣ឆ្នាំ មុខរបរបុគ្គលិកការាស់សាំង ស្នាក់នៅភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ មានស្រុកកំណើតនៅភូមិអង្គរបានទី១ ឃុំអង្គរបាន ស្រុកកងមាស ខេត្តកំពង់ចាម ។
តាមប្រភពព័ត៌មានពីជនរងគ្រោះបាននិយាយថា មុនពេលកើតហេតុជនរងគ្រោះបានជិះម៉ូតូម៉ាកហុងដាឌ្រីមស៊េរ៊ីឆ្នាំ២០១៦ ពណ៌ខ្មៅ ពាក់ស្លាក់ ភ្នំពេញ ១FQ-៩៧៦៧ ចេញពីការាស់សាំងតេលាផ្លូវជាតិលេខ៣ដើម្បីសាកកំដៅម៉ាស៊ីន លុះធ្វើដំណើរតាមបណ្តោយផ្លូវវេងស្រេង មកដល់ចំណុចមុខបុរីពិភពថ្មីត្រពាំងថ្លឹង ស្រាប់តែមានម៉ូតូមួយគ្រឿងម៉ាកស្កុកពី ពណ៌ក្រហម មិនចាំស្លាកលេខ បានជិះបុកពីក្រោយបណ្តាលឲ្យដួលរងរបួសស្រាលទាំងសងខាង។
បន្ទាប់មកពួកគាត់ក៏បានសម្រួលគ្នាដោយយកទៅជួសជុលខ្លួនឯង ដោយមិនរំខានដល់សមត្ថកិច្ច។ ក្រោយមកក៏បានជិះម៉ូតូចេញពីចំណុចកើតហេតុរៀងៗ ខ្លួនបានប្រហែល១០០ម៉ែត្រ ស្រាប់តែមានជនសង្ស័យ២នាក់ជិះម៉ូតូម៉ាកហ៊ុយស៊ូគីលេត ពណ៌ខ្មៅ មានម្នាក់ពាក់អាវធំ ពណ៌ខ្មៅ មានអក្សរ POLCEIS ហើយបាននិយាយថា ឈប់ៗ ជិះម៉ូតូចេញទៅណាមិនទាន់និយាយគ្នានឹងគ្នាចប់ផង ចង់រត់មែនតោះនាំគ្នាទៅដោះស្រាយវិញ ។
ភ្លាមនោះរួបគាត់ក៏បានឈប់ម៉ូតូហើយបានអោយជនសង្ស័យម្នាក់ដឹករួបគាត់ត្រឡប់មករកកន្លែងកើតហេតុវិញ ជិះបានបន្តិចជនសង្ស័យបានទម្លាក់រួបគាត់ចុះហើយបើកចេញយ៉ាងលឿនហើយជនរងគ្រោះបានស្រែកថា «ចោរៗ» បន្ទាប់មកជនសង្ស័យម្នាក់ទៀតដែលជិះម៉ូតូហ្ស៊ុយស៊ូគីលេតបានបើកចេញតាមក្រោយយ៉ាងលឿនដែរ ហើយបើករត់គេចខ្លួនបាត់ ។
ក្រោយពេលកើតហេតុ ជនរងគ្រោះបានត្រឹមតែមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅ១ដើម្បីឲ្យសមត្ថកិច្ចជួយស្រាវជ្រាវរកមុខសញ្ញាខាងលើមកផ្តន្ទាទោសតាមច្បាប់ ៕ សុខាសែនជ័យ
