សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់បានរងរបួសធ្ងន់ ខណ:ម៉ូតូ២គ្រឿងបានបើកឆ្លងផ្លូវ ហើយបុកគ្នាពេញទំហឹង។ ករណីគ្រោះថ្នាក់ចរាចរណ៍នេះដែរ បានកើតឡើងកាលពីវេលាម៉ោង ៤ និង ៤៥ នាទីល្ងាច ថ្ងៃទី៣ ខែធ្នូ ឆ្នាំ ២០១៧ នៅផ្លូវរដ្ឋសភា កែងនឹងផ្លូវលេខ ៧៨ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
បុរសម្នាក់ឈ្មោះ លី សារិន អាយុ ៥៧ឆ្នាំ មមានទីលំនៅក្នុងភូមិស្ទឹងជ្រៅ ឃុំដើមមៀន ស្រុកតាខ្មៅ ខេត្តកណ្តាល ។ ចំណែកបុរសម្នាក់ទៀតមិនស្គាល់អត្តសញ្ញាណ។
តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនពេលកើតហេតុ គេបានឃើញជិះម៉ូតូម៉ាក ហុងដា សេ១២៥ ពណ៌ខ្មៅ ពាក់ស្លាកលេខ កណ្តាល1S-4016 មួយគ្រឿងបើកឆ្លងផ្លូវ ពេលនោះក៏ស្រាប់តែមានម៉ូតូម៉ាក ស្មាស់ ពណ៌ខ្មៅ ពាក់ស្លាកលេខ ភ្នំពេញ1FJ-5235 ជិះគ្នា២នាក់ ក្នុងល្បឿនយ៉ាងលឿន បើកមកបុកបណ្តាលឲ្យបុរសម្នាក់ខាងលើរងរបួសធ្ងន់ និង បុរសម្នាក់ទៀតដែលជិះខាងក្រោយរងរបួសម៉ូតូស្មាស់រងរបួសស្រាល និងអ្នកបើកបររត់គេចខ្លួនបាត់។
ក្រោយពេលកើតហេតុ បុរសរងគ្រោះទាំង២នាក់ត្រូវបានរថយន្តសាមុយមកដឹកយកទៅកាន់មន្ទីរពេទ្យកាល់ម៉ែត ចំណែកឯម៉ូតូទាំង២គ្រឿងត្រូវបានយកទៅរក្សាទុកនៅអធិការដ្ឋាននគរបាលខណ្ឌចំការមន ដើម្បីរង់ចាំដោះស្រាយ៕ ស រស្មី
