សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ កម្លាំងការិយាល័យប្រឆាំងគ្រឿងញៀនខេត្ត បានចូលរួមសហការជាមួយកម្លាំងការិយាល័យ(ក៨) នៃមន្ទីប្រឆាំងគ្រឿងញៀន បានចុះបង្ក្រាបករណីរក្សាទុកជួញដូរ និងចាត់ចែងឲ្យប្រើប្រាស់សារធាតុញៀននៅវេលាម៉ោង១៦និង៣០នាទី រហូតដល់វេលាម៉ោង២០និង០០នាទី ថ្ងៃសៅរ៍ ១៣ រោច ខែមិគសិរ ឆ្នាំរកា នព្វស័ក ព.ស. ២៥៦១ ត្រូវនឹង ថ្ងៃទី១៦ ខែធ្នូ ឆ្នាំ២០១៧ ។
តាមប្រភពព័ត៌មានពីសមត្ថកិច្ចបានឲ្យដឹងថា បានឃាតខ្លួន៣ ទី១ នៅក្នុងខារ៉ាអូខេនាងពួន(បន្ទប់លេខ៦៩) ស្ថិតនៅភូមិចុងកៅស៊ូ សង្កាត់ស្លក្រាម ក្រុង ខេត្តសៀមរាប ទី២ ដងផ្លូវមុខសណ្ឋាគារតាព្រហ្ម ស្ថិតនៅភូមិមណ្ឌល១សង្កាត់ស្វាយដង្គំ និង ម្នាក់ទៀតលើដងផ្លូវ ស្ថិតក្នុងភូមិបន្ទាយចាស់ សង្កាត់ស្លក្រាម ក្រុងខេត្តសៀមរាប ឈានដល់ឃាត់ខ្លួនបាន ជនសង្ស័យ ប្រុស ស្រី ចំនួន៣នាក់នៅទីតាំង៣ផ្សេងគ្នា ក្នុងថ្ងៃតែមួយ ក្នុងក្រុងសៀមរាប រួចនាំយកមកសួរនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់។
ជនសង្ស័យ ប្រុស ស្រី ចំនួន០៣នាក់ នោះមាន៖ ០១/ឈ្មោះ សុខ ណាទី ភេទស្រី អាយុ៣១ឆ្នាំ មុខរបរនារី អូរតេស ភោជនីយដ្ឋាន មេបុណ្យ ទីលំនៅភូមិសួង ឃុំត្រពាំងធំ ស្រុកប្រាសាទបា គង សព្វថ្ងៃស្នាក់នៅបន្ទប់ជួល ភូមិតាភុល សង្កាត់ស្វាយដង្គំ ក្រុង ខេត្តសៀ មរាប (រក្សាទុកនិងចាត់ចែង) (គ្មានសារធាតុញៀនក្នុងខ្លួន) ០២/ឈ្មោះ ជន រិទ្ធី ហៅ ចក់ ភេទប្រុសអាយុ ៣៣ឆ្នាំ មុខរបរគ្មាន ទីលំនៅភូមិភ្ញាជ័យ សង្កាត់ ស្វាយដង្គំ ក្រុង ខេត្តសៀមរាប (ជួញដូរ) (មានសារធាតុញៀនក្នុងខ្លួន) ០៣/ឈ្មោះ ហោ ភារម្យ ហៅ ណុល ភេទប្រុសអាយុ ២២ឆ្នាំមុខរបរគ្មាន ទីលំនៅភូមិស្ទឹងថ្មី សង្កាត់ស្វាយដង្គំ ក្រុង/ខេត្តសៀមរាប (រក្សាទុក និង ជួញដូរ)(មានសារធាតុញៀនក្នុងខ្លួន)។
បន្ទាប់ពីសមត្ថកិច្ចឃាត់ខ្លួនបានក្នុងនោះ ដកហូតបានវត្ថុតាង រួមមាន៖ ម្សៅមេតំហ្វេតាមីន(ប្រភេទទឹកកក)ចំនួន០៣កញ្ចប់ស្មើនឹងទំងន់១,៦ក្រាម ទូរស័ព្ទដៃចំនួន០៣គ្រឿង។
បច្ចុប្បន្នជនសង្ស័យ ប្រុស ស្រី ទាំង៣នាក់ និង វត្ថុតាង ត្រូវបានកម្លាំងជំនាញ រៀបចំកសាងសុំណុំរឿងបញ្ជូនទៅសាលាដំបូងខេត្តថ្ងៃទី១៧ខែធ្នូឆ្នាំ ២០១៧ ដើម្បីចាត់ការទៅតាមច្បាប់ ៕ ប៊ុនរិទ្ធី
