រថយន្តម៉ាកហាយឡែនឌ័របត់ឆ្វេងខ្វះប្រុងប្រយត្ន័ត្រូវម៉ូតូមកពីក្រោយបុកពេញទំហឺងរងរបួសសិស្សសាលា២នាក់

ខេត្តស្វាយរៀង៖ ក្មេងប្រុសស្រីសិស្សសាលា២នាក់ បានរងរបួសធ្ងន់ស្រាល ដោយករណីគ្រោះថ្នាក់ចរាចរណ៍ដោយត្រូវរថយន្តបត់ឆ្វេងខ្វះការប្រុងប្រយត្ន័ បុកជាមួយម៉ូតូស្របទិសគ្នា បង្កឲ្យមានការភ្ញាក់ផ្អើលកាលពី ថ្ងៃចន្ទ ១កើត ខែបុស្ស ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១៨ ខែធ្នូ ឆ្នាំ២០១៧ វេលាម៉ោង៥រសៀល លើផ្លូវលេខ ៣១៥C ស្ថិតក្នុងភូមិ គយត្របែក សង្កាត់ គយត្របែក ក្រុង ស្វាយរៀង។

យោងតាមសមត្ថកិច្ចនគរបាលក្រុងស្វាយរៀងបានប្រាប់កាសែតនគរវត្តថា ក្មេងប្រុស ស្រីដែលរងរបួសមានឈ្មោះ ឡុង រស្មី អាយុ១៣ឆ្នាំ ភេទប្រុស (មុខរបរសិស្ស) និងអ្នករួមមដំណើរឈ្មោះឡុង គឺមសាន អាយុ១០ឆ្នាំ ភេទស្រី មុខរបរសិស្សរស់ នៅភូមិតារាងបាល់ សង្កាត់គយត្របែក ក្រុងស្វាយរៀង ខណៈជិះម៉ូតូម៉ាក ហុងដាសេ ១២៥ ពណ៌ ខ្មៅ ស្លាកលេខ ស្វាយរៀង1B.0922ខូចខាតយ៉ាងដំណំ។

ចំណែកអ្នកបើករថយន្តមិនត្រូវបានស្គាល់អត្តសញាណនោះទេ ក្រោយកើតហេតុ បានបើក រថយន្តម៉ាក ហាយឡែនឌ័រ ពណ៌ស ពាក់ស្លាកលេខ ភ្នំពេញ 2AP 3171ទៅទិសខាងត្បូងភ្លាមៗផងដែរ។

តាមសាក្សីបានប្រាប់ថា មុនកើតហេតុ គេឃើញរថយន្តម៉ាកហាយឡែនឌ័រ ពណ៌ សមួយគ្រឿង ធ្វើដំណើរពីជើងមកត្បូងលើផ្លូវលេខ ៣១៥Cហើយ ក៏បានបត់ឆ្វេងមិនប្រយត្ន័ស្រាប់តែមានម៉ូតូម៉ាក ហុងដាសេ ១២៥ ពណ៌ ខ្មៅជិះគ្នា២នាក់ ជាសិស្សសាលាដែលបើកស្របគ្នាពីគ្រោយចាប់ហ្វ្រាំងមិនទាន់ ក៏បុកពេញទំហឹងបង្កឲ្យមានការភ្ញាល់ផ្អើលតែម្ដង។

ក្រោយកើតហេតុ អ្នកភូមិបានរាយការណ៍មកសមត្ថកិច្ចនគរបាលមូលដ្ឋាន មកអន្តរាគមន៍យកជនរងគ្រោះមកកាន់មន្ទីរពេទ្យ និងស្រាវជ្រាវរករថយន្តបង្កមកចាត់ការបន្តតាមច្បាប់ ៕ យឹម សុថាន