សារព័ត៌មាន នគរវត្ត តែងតែនាំមុខគេជានិច្ច
ខេត្តមណ្ឌលគិរី ៖ លោកស្រីឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច តំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោហ៊ុនសែន បានអញ្ជើញជាអធិបតីក្នុងពិធីបញ្ចុះខណ្ឌ័ សីមា ព្រះវិហារ និងសម្ពោធដាក់ឲ្យប្រើប្រាស់ សមិទ្ធិផល នានា វត្ដព្រះពុទ្ធមណ្ឌលគិរី(ហៅវត្ដលើ) ស្ថិតនៅក្នុងសង្កាត់មនោរម្យ ក្រុងសែនមនោរម្យ ខេត្ដមណ្ឌលគិរី កាលពីថ្ងៃព្រហស្បតិ៍ ៤កើត ខែបុស្ស ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២១ ខែធ្នូ ឆ្នាំ២០១៧ ។
លោកស្រី ម៉ែន សំអន បានបញ្ជាក់ថា៖ ប្រទេសជាតិក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នូវទូទាំងប្រទេស មានការរីកចម្រើន រហូតដល់សព្វថ្ងៃ ដោយសារមាន ការរួមគ្នាកសាងរវាង វិស័យពុទ្ធចក្រ និងអាណាចក្រ ប្រទេស ជាតិ មានសុខសន្តិភាព និងស្ថេរភាពនយោបាយ ពេញ លេញ។ សុខសន្តិភាពទាំងនេះជាតម្លៃដែល បានផ្តល់ឲ្យយើងមាន ឱកាស ប្រកបមុខរបអាជីវកម្មផ្សេងៗ និងបានបញ្ជូនកូនចៅទៅរៀនសូត្រ ចាប់ពីមតេយ្យរហូត ដល់មហាវិទ្យាល័យ និងមានជីវភាពរស់នៅធូរធារ ដោយស្ថិតនៅក្រោមដំបូលរដ្ឋធម្មនុញ្ញតែមួយ ។
លោកស្រី ម៉ែន សំអន បានបន្ដថា៖ ខ្ញុំក៏សូមពាំនាំផ្តាំផ្ញើរសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណា ចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាលសម្តេចទាំងពីរតែងតែមានមនោសញ្ចេតនាស្រឡាញ់រាប់ អាន និង រួមសុខទុក្ខជាមួយបងប្អូនជនរួមជាតិទាំងអស់ និងជួយដោះស្រាយទុក្ខលំបាកសព្វបែបយ៉ាងគ្រប់ទីកន្លែងទូទាំងប្រទេសកម្ពុជា។
សម្តេចទាំងពីរក៏តែងតែមានឧត្តមគតិគិតគូរចំពោះ វិស័យព្រះពុទ្ធសាសនា នៅគ្រប់ទីកន្លែងទូទាំងព្រះរាជាណាចក្រកម្ពុជា ដោយបានលះបង់គ្រប់បែបយ៉ាង ដើម្បីប្រជាជាតិ និងដើម្បីតែព្រះពុទ្ធសាសនា។ សម្តេចទាំងពីរគឺជាអគ្គពុទ្ធសាសនូបត្ថម្ភដ៏ថ្លៃថ្លាក្នុងសតវត្សទី២១នេះ ដោយបានប្រែក្លាយពីប្រទេសដែលពោរពេញទៅដោយ សង្រ្គាម មកជាប្រទេសដែលមានការរីកចម្រើន និងមានការអភិវឌ្ឍន៍លើគ្រប់វិស័យ ក្នុងនោះវិស័យ ព្រះពុទ្ធសាសនា និងជំនឿសាសនាក៏ត្រូវបានរស់ឡើងវិញផងដែរ ដែលអាចឲ្យប្រជាពលរដ្ឋមាន សិទ្ធិធ្វើបុណ្យទៅតាមបំណងប្រាថ្នារៀងៗខ្លួន ស្របតាមរដ្ឋធម្មនុញ្ញនៃព្រះរាជាណាចក្រកម្ពុជា ក្រោមដំបូលនៃសុខសន្តិភាព និងមានសេចក្ដីសោមនស្ស រីករាយ ក្រៃលែង ដោយបានមកចូលរួមជាមួយព្រះថេរានុត្ថេរៈគ្រប់ព្រះអង្គ ។ ជាក់ស្ដែង ថ្ងៃនេះ លោកយាយ លោកតា លោកគ្រូ អ្នកគ្រូ ក្មួយៗ សិស្សានុសិស្សទាំងអស់ បានចូលរួម ក្នុងពិធីបញ្ចុះខណ្ឌសីមាព្រះវិហារវត្ត ព្រះពុទ្ធមណ្ឌ ល គិរី (ហៅវត្តលើ) ស្ថិតនៅភូមិជ្រៃសែន សង្កាត់ មនោរម្យ ក្រុងសែនមនោរម្យ ខេត្តមណ្ឌលគិរីនាពេលនេះ ដោយសេចក្ដីសុខ សប្បាយ រីករាយប្រកបដោយសុខសន្ដិភាព ពេញលេញ ។
លោក ស្វាយ សំអាង អភិបាលខេត្ដមណ្ឌលគិរី បាន បញ្ជាក់ថា៖ ខេត្តមណ្ឌលគីរី ស្ថិននៅភូមិភាគឥសាន្ដ នៃព្រះ រាជាណាចក្រកម្ពុជា មានចម្ងាយផ្លូវប្រវែង៣៨២ គីឡូម៉ែត្រ ពីរាជធានីភ្នំពេញ ។ បច្ចុប្បន្ន ខេត្ដមណ្ឌលគិរី មានការអភិវឌ្ឍរីកចម្រើនលើគ្រប់វិស័យ ជាក់ស្ដែង ថ្ងៃនេះសមិទ្ឋផល នានា ស្ថិតនៅវត្ដព្រះពុទ្ធមណ្ឌលគិរី ត្រូវបានក៏កើតឡើង ដើម្បីបម្រើឲ្យវិស័យពុទ្ធសាសនា មិននឹកស្មានដល់នៅទីនេះ ។ វត្តព្រះពុទ្ឋមណ្ឌលគីរី គឺជាវត្តគណៈធម្មយុត្តទី១ នៃទឹកដីមណ្ឌលគីរី បង្កើតឡើងដោយសម្តេចព្រះអភិសិរី សុគន្ឋាមហាសង្ឃ រាជាធិបតីកិត្តិឧទ្ទេសបណ្ឌិត បួរ គ្រី សម្តេចព្រះមហា សង្ឃរាជ នៃគណៈធម្មយិត្តកនិកាយនៃព្រះ រាជាណាចក្រកម្ពុជា កាលពីថ្ងៃទី៥ ខែឧសភា ឆ្នាំ ២០០៨ ។ ក្នុងនោះរួមមានសមិទ្ឋផលនានា ដូចជា ៖ ១~ព្រះឧបោសថស្ថានមួយខ្នង ធ្វើអំពីឈើ ប្រក់ស័ង្កសី ទំហំ ៩x១៩ម៉ែត្រ ។ ២~ឧបដ្ឋានសាលាមួយខ្នង ធ្វើអំពីបេតុង ប្រក់ក្បឿង ទំហំ ១៥x២៥ម៉ែត្រ។ ៣~វច្ឆនៈកុដិ ចំនួន៥បន្ទប់ និងកុដិស្នាក់នៅរៀនសូត្ររបស់ព្រះសង្ឃចំនួន១ខ្នង ៕ សំរិត
