សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ ការភ្ញាក់ផ្អើលមួយបានកើតឡើងកាលពីម៉ោងជាង៣ទៀបភ្លឺ ថ្ងៃទី១៩ ខែធ្នូ ឆ្នាំ២០១៧ ខណៈដែលកូនគោចម្លែក២ក្បាល កើតមកមានត្រគាកជាប់គ្នា ជើង៨ ក្បាល២ កន្ទុយ២ ញី១ ឈ្មោល១ ហើយក៏ងាប់ទៅវិញ នៅភូមិត្រពាំងប្រាសាទ ឃុំ ត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។
ម្ចាស់គោឈ្មោះ ប្រាក់ ហៀន ភេទស្រី អាយុ៥០ឆ្នាំ រស់នៅភូមិ-ឃុំខាងលើ។ ករណីនេះ បានបង្កឲ្យប្រជាពលរដ្ឋនាំគ្នាផ្អើលទៅមើល ដោយសុំសេចក្តីសុខ និងបញ្ចុះដោយមានអាចារ្យ យាយតា ចាស់ទុំ ផងដែរ៕ ប៉ែន នួន
