សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើលដល់សមត្ថកិច្ចមូលដ្ឋានទាំងយប់ ខណៈដែលប្រទះឃើញបុរសជនជាតិចិនដេកស្លាប់ នៅភោជនីយដ្ឋានចានធំក្នុងផ្សារបាវិត(ម៉ុកបាយ)។
ហេតុការណ៍នេះភ្ញាក់ផ្អើលនៅថ្ងៃពុធ ១០កើត ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៧ ខែធ្នូ ឆ្នាំ២០១៧ វេលាម៉ោង១និង៣០នាទី រំលងអធ្រាត្រ ស្ថិតក្នុងភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង ។
យោងតាមសមត្ថកិច្ចបានបង្ហើបប្រាប់កាសែតនគរវត្តថា បុរសដែលគេប្រទះឃើញដេកស្លាប់ មានឈ្មោះ ចូវ ហង្ស សិុង ភេទប្រុស អាយុ៤៩ឆ្នាំ មានទីលំនៅខេត្តថាយតុង ប្រទេសចិន។
ប្រភពបន្តថាបន្ទាប់ពីបានសេចក្ដីរាយការណ៍ពីម្ចាស់ភោជនីយដ្ឋានភ្លាមសមត្ថកិច្ចក្រុង ក៏ដូចជានគរបាលប៉ុស្តិ៍រដ្ឋបាល និងនគរបាលជំនាញ និងមន្ត្រីអាវុធហត្ថក្រុង ព្រមទាំងគ្រូពេទ្យចុះមកពិនិត្យសាសពឃើញថា បុរសខាងលើគឺមានជំងឺប្រចាំកាយដោយមិនឃើញមានស្លាកស្នាមជារឿងឃាដកម្មអ្វីនោះទេ។
បច្ចុប្បសាកសពរង់ចាំក្រុមគ្រួសារយកទៅធ្វើបុណ្យតាមប្រពៃណី៕ យឹម សុថាន
