សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូមួយគ្រឿងម៉ាកPCX ជ្រុលទៅបុកម៉ូតូកង់បី ផ្ងារជើងមួយចំហៀង បណ្តាលឲ្យរងការខូចខាតទាំងសងខាង កាលពីយប់ ថ្ងៃពុធ ១០កើត ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៧ ខែធ្នូ ឆ្នាំ២០១៧ នៅស្តុបផ្សារដើមគ តាមបណ្តោយផ្លូវលេខ២១៧ ក្នុងសង្កាត់ទួលស្វាយព្រៃទី១ ខណ្ឌចំកាមន រាជធានីភ្នំពេញ។
បើតាមប្រភពពត៍មានពីកន្លែងកើតហេតុបានអោយដឹងថា មុនពេលកើតហេតុ គេបានឃើញបុរសម្នាក់ជិះម៉ូតូម៉ាក PCX ពណ៌ស ពាក់ស្លាកលេខ ភ្នំពេញ 1GR-5100 ធ្វើដំណើរតាមបណ្តោយផ្លូវលេខ២១៧ ក្នុងទិសដៅពីលិចទៅកើតក្នុងល្បឿនលឿន ក៏ជ្រុលបុកម៉ូតូកង់បីពីចំហៀងពេញទំហឹង បណ្តាលឲ្យកង់បីផ្ងារជើងមួយចំហៀង ចំណែកម៉ូតូរងកាខូចខាត តែសំណាងមិនមានមនុស្សរងរបួសនោះទេ។
ក្រោយពេលកើតហេតុសម្ថកិច្ចជំនាញក៏បានចុះមកវាស់វែងយកម៉ូតូនិងម៉ូតូកង់បីយកទៅរក្សាទុកនៅអធិការដ្នាននគរបាលខណ្ឌចំការមនដើម្បីរង់ចាំដោះស្រាយទៅតាមក្រោយ៕ ស រស្មី
