Atletico Madridធ្វើពិធីបង្ហាញខ្សែប្រយុទ្ធអេស្ប៉ាញ Diego Costa ជាផ្លូវការ

ក្លិបបាល់ទាត់ Atletico Madrid បានធ្វើពិធីបង្ហាញកីឡាករខ្សែប្រយុទ្ធDiego Costaជាផ្លូវការហើយគាត់អាចចូលលេងបាននៅក្នុងនៅសប្តាហ៍នេះ។

កីឡាករអន្តរជាតិអេស្ប៉ាញរូបនេះបានយល់ព្រមផ្លាស់មកលេងឲ្យក្លិបចាស់របស់ខ្លួន វិញតាំងពីខែកញ្ញាមកម្ល៉េះ ប៉ុន្តែមិនអាចចូលលេងបានទេដោយសារតែក្លិបAtletico Madrid ជាប់បំរាមក្នុងទីផ្សារទិញដូរកីឡាករ។

ពិធីបង្ហាញកីឡាករនេះធ្វើឡើងនៅក្នុងកីឡដ្ឋាន Wanda Metropolitano ដោយមានអ្នកគាំទ្រមកចូលរួមទស្សនាចំនួន២ម៉ឺននាក់ ហើយក្រុមAtletico Madrid ក៏បានបង្ហាញកីឡាករអេស្ប៉ាញម្នាក់ទៀតគឺកីឡាករVitoloដែលបានទិញពីក្លិបSevillaកាលពីខែកក្កដា។

អតីតខ្សែប្រយុទ្ធក្លិបតោខៀវChelsea កីឡាករDiego Costaបានថ្លែងថា “ខ្ញុំរងចាំថ្ងៃនេះ ជាយូរណាស់មកហើយ។ ខ្ញុំធន់ទ្រាន់នឹងការហ្វឹកហាត់ខ្លាំងណាស់។ ខ្ញុំត្រូវការលេងបាល់ទាត់ពេលនេះ។ ខ្ញុំបានខិតខំហ្វឹកហាត់យ៉ាងខ្លាំង ប៉ុន្តែមិនអាចចូលលេងបាល់ទាត់បាន។ ខ្ញុំមានទំរង់ល្អពេលនេះហើយត្រៀមខ្លួន រួចរាល់ហើយក្នុងការចូលប្រកួតនិងរកគ្រាប់បាល់ឲ្យក្រុមរបស់ខ្ញុំ”។

Atletico Madrid បានស្ថិតក្រោមការហាមឃាត់ការផ្ទេរ ពីក្លឹបពីរលើកកន្លងមកបន្ទាប់ពីត្រូវបានរកឃើញថាមានកំហុសពីបទបំពាមលើការផ្ទេរកីឡាករបរទេសអាយុក្រោម១៨ឆ្នាំ។

ប៉ុន្តែការហាមប្រាមនេះផុតកំណត់នៅថ្ងៃទី១ខែមករាដែលមានន័យថា Costa អាចនឹងបង្ហាញខ្លួនជាលើកដំបូងរបស់គាត់នៅថ្ងៃពុធពេលប៉ះជាមួយនឹង Lleida Esportiu នៅអេស្ប៉ាញ King Cup ហើយប៉ះ Getafe នៅថ្ងៃសៅរ៍ ។

Diego Costaដែលបានចាកចេញពីក្រុម Atletico សម្រាប់ក្រុម Chelsea កាលពីឆ្នាំ ២០១៤បានស៊ុតបញ្ចូលទី៥៩ គ្រាប់ក្នុងការបង្ហាញខ្លួន១២០ប្រកួតសម្រាប់ក្រុមតោខៀវ។ គាត់បានឈ្នះពានរង្វាន់ក្របខ័ណ្ឌ Premier League ចំនួន២ដងនិង League Cup ជាមួយក្លិបតោខៀវ ៕ ដេវីត