សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ប្រភពពីស្នងការដ្ឋាននគរបាលខេត្តព្រះសីហនុបានឲ្យដឹងថា នៅ វេលាម៉ោង៤និង១៥នាទី ជិតភ្លឺ ថ្ងៃអង្គារ១រោច ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី ២ ខែមករា ឆ្នាំ ២០១៨ មាន រថយន្តHIGHLANDER ១គ្រឿង ពណ៌ស្ករ គ្មានស្លាកលេខ មិនស្គាល់អត្តសញ្ញាណអ្នកបើកបរ មានទិសដៅពីផ្សារលើ ឆ្ពោះទៅឆ្នេរអូឈើទាល បានបុករបាំងទ្រូងផ្លូវ រលំអស់ចំនួន៤ផ្ទាំង ចំណុចផ្លូវកែងតុលាការចាស់ ស្ថិតនៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ។
គ្រោះថ្នាក់នេះ ពុំបណ្ដាលឲ្យមានអ្នករងរបួសទេ។
រីឯវត្ថតាង រថយន្ត១គ្រឿង បានយកមករក្សាទុកនៅការិយាល័យនគរបាលចរាចរណ៍ផ្លូវគោករង់ចាំម្ចាសរថយន្តមកដោះស្រាយ៕ ឆ្លាម សមុទ្រ
