បើកបរងងុយដេកបង្កគ្រោះថ្នាក់ស្លាប់ម្នាក់យ៉ាងអាណោចអាធ័ម

ខេត្តកំពង់ធំ៖ រថយន្តក្រុងបុករថយន្តដឹកទំនិញកាលពីវេលាម៉ោង៤និង២០នាទីទៀបភ្លឺ ថ្ងៃអាទិត្យ ៦រោច ខែបុស្ស ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៧ ខែមករា ឆ្នាំ២០១៨ នៅលើកំណាត់ផ្លូវជាតិលេខ៦ ត្រង់ចំណុចភូមិទួលដំណាក់ ឃុំចុងដូង ស្រុកបារាយណ៍ ខេត្តកំពង់ធំ។

សមត្ថកិច្ចបានឲ្យដឹងថា អ្នកបង្កគឺខាងរថយន្តក្រុង ម៉ាកហ៊ីយ៉ាន់ដាយ ពណ៌ស ខៀវ ពាក់ស្លាកលេខ ភ្នំពេញ 3B9753 អ្នកបើកស្លាប់នៅលើរថយន្ត បានបើកទៅបុករថយន្តម៉ាកហ៊ីយ៉ាន់ដាយ ពណ៌សគ្មានស្លាកលេខ អ្នកបើកចុះរត់គេចខ្លួនបាត់ស្រមោល។

សមត្ថកិច្ចបានសង្កត់ធ្ងន់ថា ករណីគ្រោះថ្នាក់ចរាចរណ៍មួយនះ កើតឡើងដោយសារមូលហេតុអ្នកបើករថយន្តក្រុងងងុយដេក។

ក្រោយកើតហេតុ សមត្ថកិច្ចវាស់វែងកត់កំណត់ហេតុ និងប្រមូលវត្ថុតាង រួចយករថយន្តទៅរក្សាទុកនៅអធិការដ្ឋាននគរបាលស្រុកបារាយណ៍ រង់ចាំដោះស្រាយគ្នាពេលក្រោយ ៕ ប៊ុន រិទ្ធី