ទុកឡាននៅមុខផ្ទះមិនដឹងចោរលួចតាំងពីពេលណា ព្រឹកឡើងភ្ញាក់ផ្អើល

ភ្នពេញ៖ បុរសម្នាក់បានធ្វើដំណើរមក ប៉ុស្តិ៍នគរបាលចោមចៅទី២ ដើម្បីសុំជួយអន្តរាគមន៍ បន្ទាប់ពីបាត់រថយន្តដែលទុកនៅខាងមុខផ្ទះ មិនដឹងថាត្រូវចោរលួចទៅបាត់ពីពេលណា ។

ហេតុកាណ៍នេះបានបង្កឲ្យមានការភ្ញាក់ផ្អើលកាលពីវេលាម៉ោង៤និង១០នាទីទៀបភ្លឺ ថ្ងៃព្រហស្បតិ៍ ១០រោច ខែបុស្ស ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១១ ខែមករា ឆ្នាំ២០១៨ នៅមុខផ្ទះលេខ 99L ផ្លូវលេខ424 ស្នាក់នៅ ភូមិ ចោមចៅ៣ សង្កាត់ចោមចៅ២ ខណ្ឌពោធិ៍សែនជ័យ។

បុរសដែលជាជនរងគ្រោះមានឈ្មោះ ពេជ្យ ភក្តី អាយុ 32ឆ្នាំ មុខរបរបុគ្គលិកក្រុមហ៊ុន ស្នាក់នៅផ្ទះលេខ 99Lឲ ផ្លូវលេខ424 ស្នាក់នៅ ភូមិ ចោមចៅ3 សង្កាត់ចោមចៅ2 ខណ្ឌពោធិ៍សែនជ័យ។

ជនរងគ្រោះម្ចាស់ឡានបាននិយាយថា មុនពេលកើតហេតុបានទុករថយន្តទេសចរណ៍សេរី Toyota Corolla ពណ៌ទឹកមាស ពាក់ស្លាកលេខ ភ្នំពេញ 2AO 3028 ផលិតឆ្នាំ2003 ហើយរូបគាត់បានចតទុកនៅខាងមុខផ្ទះដូចសព្វមួយដងរួចរូបគាត់បានចូលគេងនៅខាងក្នុងផ្ទះជាធម្មតារហូតមកដល់ម៉ោង៤ទៀបភ្លឺ គាត់ចេញមកមើលរថយន្តស្រាប់តែមិនឃើញក៏បង្កមានការភ្ញាក់តែម្តងទើបនាំគ្នាមកដាក់ពាក្យបណ្តឹងនៅប៉ុសរដ្ឋបាលចោមចៅ2ដើម្បីជួយអន្តរាគម៍និងជួយស្វែងរកជនសង្ស័យមកផ្តន្ទាទោសតាមច្បាប់ ៕ សុខាសែនជ័យ