សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ នៅវេលាម៉ោង១៩និង៣៥នាទីយប់ ថ្ងៃព្រហស្បតិ៍ ១០រោច ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១១ ខែមករា ឆ្នាំ២០១៨ មានករណីគ្រោះថ្នាក់ចររាចណ៍មួយកើតឡើង រវាងរថយន្ត និងម៉ូតូបើកបញ្រ្ចាសទិសគ្នាលើកំណាត់ផ្លូវជាតិលេខ៦ នៅចំណុច មុខអធិការដ្នាននគរបាលស្រុកស្ទោង ភូមិសាមក្អោក ឃុំទ្រា ស្រុកស្ទោងបណ្ដាលឲ្យស្លាប់មនុស្ស២នាក់តៃកុងរថយន្តចុះរត់បាត់ស្រមោល។
តាមប្រភពព័ត៌មានពីសមត្ថកិច្ចបានឲ្យដឹងថា បង្កឡើងដោយរថយន្ត ម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 2L-6864 បើកពីជើងទៅត្បូងបានបើកទៅបុកម៉ូតូម៉ាកវេវ ពណ៌ក្រហម លាយស សេរីឆ្នាំ២០០១ គ្មានស្លាកលេខ ជិះគ្នា២នាក់ បើកបរដោយឈ្មោះ ភា លាង ភេទប្រុស អាយុ ២៥ឆ្នាំ រស់នៅភូមិក្រសាំង ឃុំទ្រា ស្រុកស្ទោង ខេត្តកំពង់ធំ (ស្លាប់កន្លែងកើតហេតុ)រួមដំណើរ ដោយឈ្មោះ ទន ចិត្ត ភេទប្រុស អាយុ ២៤ឆ្នាំ រស់នៅភូមិក្រសាំង ឃុំទ្រា ស្រុកស្ទោង ខេត្តកំពង់ធំ (ស្លាប់កន្លែងកើតហេតុ) ។
សពជនរងគ្រោះត្រូវក្រុមគ្រួសារយកទៅ ធ្វើបុណ្យតាមប្រពៃណី។
វត្ថុតាងត្រូវបាននគរបាលចររាចណ៍យកមករក្សាទុកនៅអធិការដ្ឋាននគរបាលស្រុកស្ទោង៕ ប៊ុន រិទ្ធី
