សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក វ៉ាន់ សែនវិសុទ្ធ ចៅក្រមស៊ើបសួរសាលាដំបូងរាជធានីភ្នំពេញ កាលពីល្ងាចថ្ងៃទី១២ ខែមករា ចេញដីកាឃុំខ្លួនបុរសពីរនាក់ដាក់ពន្ធនាគារបណ្តោះអាសន្ន ករណីលក់ដីខ្យល់៦ពាន់ហិចតា នៅខេត្តកំពត។
បុរសទាំងពីរនេះ ត្រូវបានចាប់ខ្លួនតាមដីកាបង្គាប់ឱ្យនាំខ្លូន លេខ ១០០៦ “ឃ១” ដ.ច.ន ចុះថ្ងៃទី២១ ខែធ្នូ ឆ្នាំ២០១៧ និង ដីកាបង្គាប់ឱ្យនាំខ្លួនលេខ ១០០៧ “ឃ១” ដ.ច.ន ចុះថ្ងៃទី២១ ខែធ្នូ ឆ្នាំ២០១៧ របស់លោក វ៉ាន់ សែនវិសុទ្ធ ចៅក្រមស៊ើបសួរនៃសាលាដំបូងរាជធានីភ្នំពេញ។
ជនត្រូវចោទទាំងពីរនាក់ ឈ្មោះ ស៊ុន សៀន អាយុ៤៨ឆ្នាំ និងឈ្មោះ ហេង សាន អាយុ៤៥ឆ្នាំ ។
សមត្ថកិច្ចបានបង្ហើបឱ្យដឹងថា កាលពីអំឡុងឆ្នាំ២០១៣ បុរសទាំងពីរនាក់ បានឆបោកប្រាក់កក់របស់ដើមបណ្តឹងចំនួន ៥០០០០ដុល្លារ យកទៅទិញដីចំនួន៦០០០ហិកតា នៅក្នុងខេត្តកំពត តែទីបំផុតត្រូវដើមបណ្តឹងទៅតុលាការ និងឱ្យសមត្ថកិច្ចចាប់ខ្លួនព្រោះតែគ្មានដីឱ្យម្ចាស់លុយគេ៕ ចេស្តា
