សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តមួយគ្រឿងម៉ាកឡិចសុីស៣៣០ ក៏ជ្រុលទៅបុករ៉ឺម៉កដឹកបន្លែ បណ្ដាលឲ្យបុរសម្នាក់រងរបួសធ្ងន់ ហើយរថយន្តព្យាយាមបើករត់រហូតដល់បុរីប៉េងហួតទើបសមត្ថកិច្ចឃាត់បាន។
ហេតុការណ៍នេះបានកើតឡើង នៅវេលាម៉ោង១ រំលងអធ្រាត្រ ឈានចូល ថ្ងៃអង្គារ ១៥រោច ខែបុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ១៦ ខែ មករា ឆ្នាំ ២០១៨ តាមបណ្ដោយផ្លូវលេខ៣៨៨ កែងនិងផ្លូវលេខ១៩៩ សង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ។
បើតាមប្រភព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញ បុរសម្នាក់បើករថយន្តឡិចស៊ីស ៣៣០ ពណ៌ស ពាក់ស្លាកលេខ ភ្នំពេញ 2V-9540 បណ្ដោយផ្លូវ១៩៩ ក្នុងទិសដៅពីកើតទៅលិច ខណពមកដល់ចំណុចកើតហេតុខាងលើក៏ស្រាប់មានបុរសម្នាក់បើកតាមបណ្ដោយផ្លូវ៣៨៨ ពីជើងទៅត្បូងដោយដឹកបន្លែចេញពីផ្សារដើមគរ បានជ្រុលទៅបុករ៉ឺម៉កដឹកបន្លែពេញទំហឹងបណ្តាលឲ្យរ៉ឺម៉កម៉ូតូខ្ទាតពេញផ្លូវ និងធ្វើឲ្យអ្នកបើកម៉ូតូរងរបួសធ្ងន់ត្រូវបានបានរថយន្តសង្គ្រោះបានមកដឹកយកទៅសង្គ្រោះនៅ គ្លិនិកឯកជនផងដែរ។
ភ្លាមៗនោះអ្នកបើករថយន្តបង្កមិនបានឈប់ដោះស្រាយទេ ហើយបានព្យាយាមបើករថយន្តរត់គេច តែត្រូវសមត្ថកិច្ចដេញឃាត់រថយន្តបង្កបានផងដែរ ក្រោយមកអ្នកបើកបរបង្ក បានឡើងជិះម៉ូតូឌុបទៅបាត់ទុកតែរថយន្តនៅនិងកន្លែងកើត ។ ក្រោយពេលកើតហេតុ សមត្ថកិច្ចជំនាញ បានចុះទៅដល់កន្លែងកើតហេតុ រួចហើយបានវាស់វែងយករថយន្តបង្កនិងម៉ូតូរ៉ឺម៉កទៅរក្សាទុកនៅអធិការដ្ឋានខណ្ឌចំការមន ដើម្បីរង់ចាំដោះស្រាយគ្នាតាមក្រោយ៕ ស រស្មី
