សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅព្រឹកថ្ងៃពុធ ១កើត ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១៧ ខែមករា ឆ្នាំ២០១៨ សិប្បកម្ម ផលិតស្ករត្នោតកែច្នៃពីរទីតាំង ត្រូវបានសមត្ថកិច្ចចម្រុះ រួមមានមន្រ្តីកាំកុងត្រូល នគរបាលសេដ្ឋកិច្ច អាជ្ញាធរមូលដ្ឋាន ដឹកនាំដោយលោកហ៊ឹង ប៊ុនថន ព្រះរាជអាជ្ញារង អមសាលាដំបូងរាជធានីភ្នំពេញ បានចុះបង្រ្កាប ។
សមត្ថកិច្ចបានឲ្យដឹងថា ទីតាំងទាំងពីរនេះ ស្ថិតនៅផ្ទះលេខ២១៥ និងផ្ទះលេខ២១៩ ផ្លូវលេខ៣៦៩ សង្កាត់ច្បារអំពៅទី១ ខណ្ឌច្បារអំពៅ ។
ក្រោយការចុះពិនិត្យ សមត្ថកិច្ចបាននាំម្ចាស់សិប្បកម្មផលិតស្ករត្នោត ទៅក្រសួងមហាផ្ទៃ ដើម្បីសួរនាំ និងនាំយកទាំងវត្ថុតាងជាច្រើន រួមមាន ស្ករត្នោតស្ករស ម្សៅស និងវត្ថុផ្សេងទៀត ដែលអាចបន្លែងទៅជាស្ករត្នោត ដើម្បីធ្វើតេស្តរកមើល សារធាតុគីមី ដែលធ្វើប៉ះពាល់សុខភាពប្រជាពលរដ្ឋ ដែរឬអត់ ៕ ស សម
