សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ ផ្ទះមួយខ្នងធ្វេីអំពីឈើប្រក់ក្បឿងជញ្ជាំងសង្ក័សីជើងបេតុង មានរៀបឥដ្ឋទទឺង៦ម៉ែត្រកន្លះគុណ៧ម៉ែត្រកន្លះត្រូវបានអគ្គីភ័យឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើលដល់អ្នកភូមិនាំគ្នាជួយពន្លត់ខណះដែលម្ចាស់ផ្ទះមិននៅ។
ហេតុការណ៏នេះបានកើតឡើងនៅថ្ងៃពុធ ១កើត ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១៧ ខែមករា ឆ្នាំ២០១៨ វេលាម៉ោង៤រសៀល នៅចំណុចភូមិអង្គប្រស្រែ ឃុំអង្គប្រស្រែ ស្រុករមាសហែក ខេត្តស្វាយរៀង សង្ស័យបណ្ដាលមកពីឆ្លងអាគុយផ្ទាំងសូឡា។
តាមសមត្ថកិច្ចនគរបាលស្រុករមាសហែកបានឲ្យកាសែតនគរវត្តថា ម្ចាស់ផ្ទះ រងគ្រោះ ឈ្មោះព្រំ សាគុន ភេទប្រុស អាយុ៤៦ឆ្នាំ និងមានប្រពន្ធឈ្មោះ ពៅ លក្ខិណា អាយុ៤៦ឆ្មាំ នៅភូមិអង្គប្រស្រែ ឃុំអង្គប្រស្រែ ស្រុករមាសហែក ខេត្តស្វាយរៀង។
ប្រភពបបន្តថា ចំពោះទ្រព្យសម្បត្តិដែលខូចខាត រួមមាន: ប្រាក់ចំនួន បួនសែនរៀល មាស ៥ជីកន្លះ ស្រូវ១០បេ និងអង្ករ១០តៅ និងសំលៀកបំពាក់ខូចខាតទាំងស្រុង។
សមត្ថកិច្ចបញ្ជាក់ទៀតថា មូលហេតុ បណ្តាលមកពីផ្ទុះអាគុយពន្លឺ ព្រះអាទិត្យ ហេីយសូមប្រជាពលរដ្ឋទាំងអស់ មានការប្រុងប្រយ័ត្នចំពោះការប្រើប្រាស់ភ្លើង និងចរន្តអគ្គិសនី ដែលជាប្រភពនៃគ្រោះថ្នាក់ ជាពិសេសចំពោះបងប្អូនដែលប្រើប្រាស់ផ្ទាំងសូឡា ត្រូវមានការប្រុងប្រយត្ន័ ឧស្សាហ៍ត្រួតពិនិត្យ ជៀសវាង មានគ្រោះអគ្គិភ័យកើតឡើងជាយថាហេតុ ព្រោះនេះមិន មែនជាករណីទី ១ ទេដែលធ្វើឲ្យឆេះផ្ទះណ្តាលមកពីទុស្សេផ្ទាំងសូឡានោះ ៕ យឹម សុថាន
