សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់ និងយុវតិម្នាក់ទៀតបានរងរបួសធ្ងន់ ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ខណៈពួកគេជិះម៉ូតូ២គ្រឿងបុកគ្នាពេញទំហឹងកាលពីវេលាម៉ោង៥និង០០នាទីល្ងាច ថ្ងៃសៅរ៍ ៤កើត ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២០ ខែមករា ឆ្នាំ២០១៨ ដែលស្ថិតនៅតាមបណ្តោយផ្លូវជាតិលេខ៣ នៅក្នុងភូមិព្រៃព្រីងខាងត្បូង១ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពពត័មាននៅកន្លែងកើតហេតុបានបញ្ជាក់ឲ្យដឹងថា នៅមុនពេលកើតហេតុគេឃើញបុរសម្នាក់មិនស្គាល់អត្តសញ្ណាណបើកបរដោយម៉ូតូCBR ពណ៌សលាយខ្មៅ ពាក់ស្លាកលេខ ភ្នំពេញ 1FH 0033 បានធ្វើដំណើរក្នុងទិសដៅត្បូងទៅជើងលុះមកដល់ចំណុចកើតហេតុ ក៏មានម៉ូតូមួយគ្រឿងទៀតបើកបរម៉ូតូមួយគ្រឿងសេរី Honda Dream ពណ៌ខ្មៅពាក់ស្លាកលេខ ភ្នំពេញ 1BI 5226 ដោយយុវតីម្នាក់មិនស្គាល់អត្តសញ្ញាណដូចគ្នា ធ្វើដំណើរក្នុងទិសដៅពីជើងទៅត្បូងលុះមកដល់ចំណុចកើតហេតុក៏បានបើកឆ្លងផ្លូវបម្រុងឡើងឆ្វេងតែមិនទាន់ផុតផងក៏បានវាក់អើគ្នាបុកគ្នាយ៉ាងពេញទំហ៊ឹងបណ្តាលឲ្យដួលផ្ទប់និងផ្លូវរបួសធ្ងន់រៀងខ្លួន ខណៈពេលនោះភាគីទាំងសងខាងត្រូវបានបញ្ជូនទៅសង្រ្គោះនៅមន្ទីរពេទ្យភ្លាមៗផងដែរ។
ក្រោយពេលកើតហេតុសម្ថិតកិច្ចបានចុះទៅធ្វើការវាស់វែងនិងយកសម្ភារយកទៅរក្សាទុកដើម្បីរង់ចាំការដោះស្រាយគ្នានៅពេលក្រោយ៕ សុខាសែនជ័យ
