បេីកម៉ូតូដឹកស្រាស៥កានទៅលក់នៅតំបន់សេដ្ឋកិច្ចពិសេសឃុំបិតត្រាំងធ្លាក់ប្រឡាយទឹកស្អុយបាក់កស្លាប់

ខេត្តព្រះសីហនុ៖ កាលពីពុធ ១៥កើត ខែមាឃ ឆ្នាំរកា នព្វស័ក ព-ស២៥៦១ ត្រូវនឹងថ្ងៃទី៣១ ខែមករា ឆ្នាំ២០១៨ វេលាម៉ោង២និង២០នាទីរសៀល លើផ្លូវ បេតុង ក្នុងតំបន់សេដ្ឋកិច្ចពិសេស ឃុំបិត ត្រាំង ស្រុកព្រៃនប់ ខេត្តព្រះសីហនុ មាន​គ្រោះថ្នាក់ចរាចរណ៍មួយកើតឡើង ដោយ ខ្លួនឯង មានបុរសម្នាក់ជិះម៉ូតូ១គ្រឿងម៉ាកហុងដាសេ ពណ៌ខ្មៅ ពាក់ស្លាកលេខភ្នំ ពេញ1M-8755 ដឹកស្រាស៥ប៊ីដុងទៅលក់ក្នុងតំបន់សេដ្ឋកិច្ចពិសេសឃុំបិតត្រាំង មក ដល់ក្បែររោងចក្រផលិតស្រោមដៃបានជ្រុលចង្កូតបុកចូលលូទឹកស្អុយបណ្តាលឲ្យអ្នកបើកម៉ូតូដួលបាក់កស្លាប់តែម្តង។

ជនរងគ្រោះឈ្មោះ មុំ សារ៉េត ភេទ ប្រុស អាយុ៣៣ឆ្នាំ មុខរបរលក់ដូរ មានទីលំនៅ ភូមិអូរចំណារ ឃុំអូរឧកញ៉ាហេង ស្រុក ព្រៃនប់ ខេត្តព្រះសីហនុ ។

គ្រោះថ្នាក់នេះបណ្ដាលឲ្យ អ្នកបើកបរ ម៉ូតូ(បាក់កស្លាប់)នៅនឹងកន្លែង។ ជនរង គ្រោះឈ្មោះ មុំ សារ៉េត ក្រោយមកសមត្ថកិច្ចបានប្រគល់សាកសពឲ្យក្រុមគ្រួសារយកទៅធ្វើបុណ្យតាមប្រពៃណី។ ចំណែកម៉ូតូ ១គ្រឿងនិងស្រាស៥ប៊ីដុងសមត្ថកិច្ចប្រគល់ទៅឲ្យក្រុមគ្រួសារជនរងគ្រោះដើម្បីរក្សា ទុក៕ ឆ្លាម សមុទ្រ