តោខៀវចាញ់យ៉ាងអាម៉ាសទៀតហើយ! Watford 4-1Chelsea

ចែករំលែក៖

ក្រុមតោខៀ វChelsea ដែលជាជើងឯកអង់គ្លេសPremier Leagueរដូវកាលមុន បានរងភាពអាម៉ាសសារជាថ្មីម្តងទៀតដោយប្រកួតចាញ់ក្រុម Watford ក្នុងលទ្ធផល៤ទល់នឹង១។

មុនពេលបរាជ័យនៅក្នុង ទឹកដីរបស់ Watfordនេះ ក្រុមតោខៀវបាន រងភាពអាម៉ាសដោយចាញ់ក្រុម Bournemouthក្នុងលទ្ធផល 3-0 នៅទឹកដីរបស់ខ្លួន។

ចំណែកការប្រកួតនៅក្នុងទឹកដី Watford ក្រុមតោខៀវChelsea សល់គ្នា១០នាក់តាំងពីនាទី៣០ បន្ទាប់ពី Bakayoko ត្រូវពិន័យកាតលឿង២ ស្មើកាតក្រហមបណ្ដេញចេញពីទីលាន។

គ្រាប់ទីមួយម្ចាស់ផ្ទះកើតឡើងដោយការទាត់បាល់ប៉េណាល់ទីនាទី៤២ របស់ Troy Deeney ព្រោះតែ Thibaut Courtois បង្កកំហុសនៅតំបន់គ្រោះថ្នាក់។ លុះនាទី៨២ Hazard ទាត់ពីដំបូលទូកតាមស្មើបានវិញក្រោមការហ៊ោកញ្ជ្រៀវពីសំណាក់អ្នកគាំទ្រក្រុមភ្ញៀវ។

យ៉ាងណាម្ចាស់ផ្ទះបានបើកការវាយលុកយ៉ាងខ្លាំងហើយបន្ថែម៣គ្រាប់ផ្ទួនៗជាការស៊ុតបញ្ចូលទីរបស់ Daryl Janmaat នាទី៨៤, សមាជិកថ្មី Gerard Deulofeu ទិញពី Barca នៅនាទី៨៨ និងគ្រាប់បិទឆាកធ្វើបានដោយ Roberto Pereyra នាទី៩០+។

បរាជ័យនេះក៏បន្ថែមសំពាធកាន់តែខ្លាំងដល់លោក Conteដែលជាអ្នកចាត់ការទូទៅ ក្លិបតោខៀវ។ គាត់បានថ្លែងថា “ខ្ញុំធ្វើការហ្វឹកហាត់រាល់ថ្ងៃដោយខិតខំ១២០ ភាគរយប្រសិនបើនេះមិនទាន់គ្រប់គ្រាន់ទៀត ក្លិបអាចសម្រេចចិត្តចាត់វិធានការបាន” ។ សម្រាប់ក្រុមWatford វិញនេះគឺជាជោគជ័យដ៏អស្ចារ្យរបស់គ្រូបង្វឹកថ្មីលោក Javi Gracia។

ខាងក្រោមនេះគឺជាលទ្ធផលនៃការប្រកួតកាលពីថ្ងៃទី៥ ខែកុម្ភៈ ឆ្នាំ២០១៨៖

តោខៀវចាញ់យ៉ាងអាម៉ាសទៀតហើយ! Watford​ 4-1Chelsea

រឿងទាក់ទង

តោខៀវចាញ់យ៉ាងអាម៉ាសទៀតហើយ! Watford 4-1Chelsea