សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងបួសធ្ងន់ បន្ទាប់ពីបានបើករថយន្តក្នុងល្បឿនលឿន ជ្រុលចង្កូចទៅបុករថយន្តធុនធំ ដឹកអេស្ការវទ័រឈប់នៅនឹងស្តុបពីក្រោយពេញទំហឹង។
ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង១០និង២០នាទីយប់ ថ្ងៃអាទិត្យ ៤កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១៨ ខែកុម្ភៈ ឆ្នាំ២០១៨ ស្ថិតនៅតាមបណ្តោយផ្លូវ២៨៩ ស្តុបសាលាបឋមសិក្សាទួលគោគ ក្នុងស្កាត់បឹងកក់២ ខណ្ឌទួលគោគ រាជធានីភ្នំពេញ ។
សាក្សីថា មុនកើតហេតុបុរសម្នាក់រួមដំណើរនិងមិត្តភក្តិម្នាក់ទៀតបើករថយន្តហុីយ៉ាដាយធុនធំ ដឹកអេស្ការវទ័រមួយគ្រឿងក្បាលពណ៌ស ពាក់ស្លាកលេខ ភ្នំពេញ 3B-1769 បើកបរទិសដៅពីជើងទៅត្បូង លុះមកដលស្តុបចំណុចកើតហេតុខាងលើ បានឈប់រងចាំភ្លើងសញ្ញា ពណ៌ខៀវដើម្បីបន្តដំណើរទៅមុខទៀត ពេលនោះមានរថយន្តមួយគ្រឿងម៉ាកហាយឡេនឌឺ ពណ៌ទឹកប្រាក់ ពាក់ស្លាកលេខ ភ្នំពេញ 2AP-5973 បើកបរដោយបុរសម្នាក់ស្របទិសដៅគ្នា មកពីក្រោយបុកពេញទំហឹងបណ្តាលឲ្យរថយន្តផ្ទប់ជាប់ខាងក្រោយរថយន្ត និងខ្ទេចមួយកំណាត់មុខ និងផ្ទុះពោងបណ្តាលឲ្យម្ចាស់រងរបួសធ្ងន់ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះភ្លាមៗ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចចុះមកវាស់វែងយករថយន្តទាំងពីរគ្រឿងទៅរក្សាទុកនៅការិយាលយ័ចរាចរណ៍ផ្លូវគោករាជធានីភ្នំពេញរង់ចាំដោះស្រាគ្នាទៅតាមផ្លូវច្បាប់ ៕ សុខាសែនជ័យ
