សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ កាលពីនៅម៉ោង៩និង៣០នាទីព្រឹក ថ្ងៃចន្ទ ១២កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៦ ខែកុម្ភៈ ឆ្នាំ២០១៨ មានការភ្ញាក់ផ្អើលយ៉ាងខ្លាំងមួយបានកើតឡើង ខណ:ដែលមានស្ត្រីម្នាក់ បានចង.កសម្លាប់ខ្លួនដោយតែ តូចចិត្តនឹងចំណងដៃដែលការហើយមិនសល់ ។
ហេតុការណ៍នេះបានកើតឡើងនៅចំណុចភូមិថ្នល់ចែក ឃុំសំរោង ស្រុកសូទ្រនិគមន៍ ខេត្តសៀមរាប ។ ស្ត្រីរងគ្រោះ ត្រូវគេដឹងថា ទើបតែបានរៀបការនៅថ្ងៃទី២៣-២៤ ខែកុម្ភ: លុះដល់ថ្ងៃទី២៥ ខែកុម្ភ: នារីរងគ្រោះបានដើររអ៊ូរថា រៀបការហើយអត់សល់ប្រាក់ចំណងដៃ សម្រាប់រកស៊ី ស្រាប់តែព្រឹកឡើង នាងបានឡើងទៅលើផ្ទះយកខ្សែភ្លើងមកចង.កជាប់ចម្រឹងបង្អួចស្លាប់តែម្តង៕
រូបភាព៖ គេហទំព័រក្នុងស្រុក
