សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ កាលពីថ្ងៃសៅរ៍ ២រោច ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៣ ខែមីនា ឆ្នាំ២០១៨ វេលាម៉ោង២២និង១០នាទីយប់ នៅត្រង់ចំណុច ចំណតរថយន្តអូរស្មាច់ ក្នុងបរិវេណក្រុមហ៊ុនអូរស្មាច់ ស្ថិតក្នុងភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ មានកើតករណីហិង្សាដោយចេតនា បង្ករឡើងដោយជនសង្ស័យឈ្មោះ ហេង សុវណ្ណរ័ត្ន ភេទប្រុស អាយុ៣៨ឆ្នាំ មុខរបរលក់ដូរ ទីលំនៅបច្នុប្បន្ននៅភូមិអូរស្មាច់ សង្កាត់អូរស្មាច់ ក្រុងសំរោង ខេត្តឧត្តរមានជ័យ បានយកកែវស្រាវៃ ទៅលើឈ្មោះ សយ ហុងម៉េង ភេទប្រុស អាយុ៤៨ឆ្នាំមុខបរ នគរបាលឋានៈនាយរងប៉ុស្តិ៍ច្រកទ្វាអន្តរជាតិអូរស្មាច់ ត្រូវចំក្បាលខាងមុខផ្នែកខាងឆ្វេងបែកចេញឈាមហូរស្រោចពេញខ្លួន។
ក្រោយកើតហេតុកម្លាំងប៉ុស្តិ៍អូស្មាច់ បានចុះទៅដល់កន្លែងកើតហេតុ និងឃាត់ខ្លួនជនសង្ស័យមកសាក់សួរនៅប៉ុស្តិ៍ដើម្បីកសាងសំណុំរឿងចាត់ការតាមនីតិវិធីច្បាប់ ។
មូលហេតុ ៖ បណ្តាលមករឿងពីគំនុំកាលពីប្រហែលមួយឆ្នាំមុនឈ្មោះសយ ហុងម៉េង ធ្លាប់ប្រើហិង្សាទៅលើជនសង្ស័យ ៕ ប៉ែន នួន
