សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់: បុរសម្នាក់ ត្រូវបានចរន្តអគ្គិសនីឆក់ស្លាប់ ខណ:ដែលបុរសនេះកំពុងតខ្សែភ្លើងម៉ូទ័របូមទឹកអណ្តូងយកទៅប្រើប្រាស់។
ហេតុការណ៍នេះកើតឡើងកាលពីវេលាម៉ោង៥ល្ងាចថ្ងៃ សុក្រ ៨ រោច ខែ ផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃ ថ្ងៃទី៩ ខែមីនា ឆ្នាំ២០១៨ ភូមិថ្មគោលធំ ឃុំអន្សាចំបក់ ស្រុកក្រគរ ខេត្តពោធិ៍សាត់។
នគរបាលមូលដ្ឋានបានឲ្យដឹងថា សពជនរងគ្រោះឈ្មោះ ស្រី សុខឃា អាយុ២៩ឆ្នាំ ភេទប្រុស មានប្រពន្ធឈ្មោះ សុខ ចាន់ អាយុ២៦ឆ្នាំ និងមានកូនអាយុ៤ឆ្នាំ ម្នាក់។
សាក្សីបានឲ្យដឹងថា មុនពេលកើតហេតុជនរងគ្រោះបាន តខ្សែភ្លើងម៉ូទ័របូមទឹកអណ្តូង ហើយមិនបានដកព្រីភ្លើងយកទួរណឺវីសទៅមួល បណ្តាលឲ្យឆ្លងចរន្តឆក់ស្លាប់ភ្លាមៗនៅនឹងកន្លែងកើតហេតុតែម្តង ទោះបីភ្លាមៗនោះអ្នកភូមិ ជួយសង្គ្រោះបឋមក៏ដោយ ។
ក្រោយកើតហេតុសមត្ថកិច្ចជំនាញបានទៅដល់ ធ្វើកោសល្យវិច័យ ហើយបានសន្បិដ្ឋានថា ជនរងគ្រោះពិតជាស្លាប់ដោយខ្សែភ្លើងឆក់មែន ក៏ប្រគល់សាកសពឲ្យក្រុមគ្រួសារយកទៅធ្វើ បុណ្យតាមប្រពៃណី ៕ សហការី
