សារព័ត៌មាន នគរវត្ត តែងតែនាំមុខគេជានិច្ច
ក្រុងព្រះសីហនុ៖ បុរសម្នាក់បានស្លាប់ដោយគាំងបេះដូង(ខ្យល់គរ) ហើយសាកសពនេះត្រូវបានគេប្រទះឃើញដេកស្លាប់លើកៅអី ក្បែររបងផ្ទះសំណាក់សាន់ដេក្នុងសង្កាត់លេខ៤ កាលពីម៉ោង៦ព្រឹក ថ្ងៃព្រហស្បតិ៍ ១៤រោច ខែផល្គុន ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី១៥ ខែមីនា ឆ្នាំ២០១៨ ។
សមត្ថកិច្ចដែលចុះពិនិត្យធ្វើកោសល្យវិច័យបញ្ជាក់ថា សាកសព ឈ្មោះ ជេង ប្រុស ភេទ ប្រុស អាយុ ២៤ឆ្នាំ កាន់អត្តសញ្ញាណប័ណ្ណសញ្ជាតិខ្មែរ លេខ 110460945 មានស្រុកកំណើត ភូមិលក្ខជា ឃុំព្រែកក្រឺស ស្រុកកំពង់ត្រាច ខេត្តកំពត បច្ចុប្បន្នស្នាក់នៅផ្ទះជួល មុខរោងចក្រញ៉ូវស្តារ ស្ថិតក្នុងក្រុម១៤ ភូមិ១ សង្កាត់១ ក្រុងព្រះសីហនុ មានមុខរបរជាសន្តិសុខក្រុមហ៊ុន ឯកជន Cambodai Safety Patrol ដែលមានគោលដៅ យាមនៅចំណុចផ្ទះសំណាក់ សាន់ដេរ ស្ថិតក្នុងក្រុម៩ ភូមិ៤ សង្កាត់៤ ក្រុងព្រះសីហនុ។
ក្រោយសមត្ថកិច្ចបច្ចេកទេសវិទ្យាសាស្ត្រ ចុះមកត្រួតពិនិត្យ ធ្វើកោសល្យវិច័យ បានឲ្យដឹងថា សាកសព ស្លាប់ដោយសារ គាំងបេះដូង (ខ្យល់គរ ) ។
បច្ចុប្បន្នសាកសព បានប្រគល់ឲ្យម្តាយបង្កើតយកទៅធ្វើបុណ្យនៅស្រុកកំណើតតាមប្រពៃណី ៕ ឆ្លាម សមុទ្រ
