សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ មន្ត្រីសាខាកាំកុងត្រូលខេត្តបាត់ដំបង សហការជាមួយរថយន្តមន្ទីរពិសោធន៍ចល័តប្រេងឥន្ធនៈអគ្គនាយក ដ្ឋាន និងអាជ្ញាធរក្រុងបាត់ដំបង បានចុះ យុទ្ធនាការត្រួតពិនិត្យទៅលើស្ថានីយប្រេង ឥន្ធនៈជាច្រើននៅក្រុងបាត់ដំបង នាព្រឹកថ្ងៃអង្គារ ៤កើត ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២០ ខែមីនា ឆ្នាំ២០១៨ នេះ។
លោក ហាក់ សុខរិន ប្រធានសាខាកាំកុងត្រូលខេត្តបាត់ដំបងបានឲ្យដឹងថា ក្នុង កិច្ចប្រតិបត្តិការត្រួតពិនិត្យទៅលើទីតាំងស្ថានីយប្រេងឥន្ធនៈជាទ្រង់ទ្រាយធំនេះ គឺ ក្នុងគោលបំណងដើម្បីពិនិត្យមើលបរិមាណ ផង និងគុណភាពផង ។
លោកប្រធានសាខាកាំកុងត្រូលបន្តថា ក្នុងការចុះត្រួតពិនិត្យនេះដែរ មន្ត្រីជំនាញ របស់លោកអនុវត្តទៅលើបីដំណាក់ កាលដោយដំណាក់កាលទី១-បើពិនិត្យឃើញទីតាំងស្ថានីយ៍ប្រេងឥន្ធនៈមួយណា មិនមានបរិមាណនិងគុណភាព ទៅតាមស្តង់ដារត្រឹមត្រូវទេជំហានដំបូងគឺធ្វើការណែនាំ និងធ្វើកិច្ចសន្យា, ជំហានទី២-បើពិនិត្យឃើញមិនមានការកែតម្រូវឡើងវិញទេ នឹងធ្វើការផាកពិន័យហើយប្រកាសឈ្មោះ ស្ថានីយប្រេងតែម្តង, ទី៣-បើទីតាំង ស្ថានីយប្រេងឥន្ធនៈទាំងនោះ នៅតែមិន កែតម្រូវទៀត មន្ត្រីជំនាញនឹងចុះបិទអាជ្ញា ប័ណ្ណបញ្ឈប់អាជីវកម្មតែម្តង។
ក្នុងការចុះនិតិត្យដោយរថយន្តមន្ទីរ ពិសោធន៍ចល័តប្រេងឥន្ធនៈរបស់អគ្គ នាយកដ្ឋានកាំកុងត្រូលនេះដែរជាលទ្ធផលមន្ត្រីជំនាញបានពិនិត្យឃើញតាមស្ថានីយប្រេងឥន្ធនៈមួយចំនួនលក់មិនគ្រប់លីត្រដោយក្នុង១០០លីត្រ ខ្វះពី៣លីត្រទៅ៧លីត្រ និងមួយចំនួនក្លែងបន្លំពីប្រេងធម្មតាទៅជាប្រេងស៊ុបពែរ ៕ ហេង សូរិយា
