ស្រ្ដីម្នាក់ដើរឆ្លងថ្នល់ខ្វះការប្រុងប្រយ័ត្នត្រូវម៉ូតូបុករងរបួសធ្ងន់

ខេត្តកំពង់ធំ៖ មានហេតុការណ៍គ្រោះថ្នាក់ចរាចរណ៍មួយបាន​ដោយសារម៉ូតូ បុកអ្នកថ្មើរជើងបណ្ដាលឲ្យស្រ្ដិចំណាស់ម្នាក់រងរបួសធ្ងន់ ហេតុការណ៍នេះបានកើតឡើងនៅថ្ងៃសៅរ៍ ១៥កើត ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី៣១ ខែមីនា ឆ្នាំ ២០១៨ វេលាម៉ោង ០៦និង៥៥នាទីព្រឹក នៅលើកំណាត់ផ្លូវជាតិលេខ០៦ ត្រង់ ភូមិកំពង់ក្របៅ សង្កាត់កំពង់ក្របៅ ក្រុងស្ទឹងសែន ខេត្តកំពង់ធំ

ប្រភពពត័មានពីសមត្ថកិច្ចបានឲ្យដឹងថា​ អ្នកជិះ ម៉ូតូឈ្មោះ អង សាំង ភេទប្រុស អាយុ ២៧ឆ្នាំ នៅភូមិប្រសាទ ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ (របួសស្រាល.ពាក់មួកសុវិត្ថភាព) បានជិះម៉ូតូម៉ាកហុងដាC125 ពណ៌ខ្មៅ ស្លាកលេខ កំពង់ធំ1D.5263(បើកបរក្នុងទិសដៅពីលិចទៅកើត)ដោយ នាំខ្លួនមកកាន់ការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តកំពង់ធំ។ ចំណែកអ្នកថ្មើរជើង ឈ្មោះ ឃាង.ផារ៉ូ ភេទស្រី អាយុ ៥៧ឆ្នាំ នៅភូមិ ឃុំកើតហេតុខាងលើ(របួសធ្ងន់)(បញ្ជូនទៅមន្ទីរពេទ្យភ្នំពេញ)៕ប៊ុន​ រិទ្ធី​

មូលហេតុជាបឋមបង្កដោយអ្នកថ្មើរជើងឆ្លងកាត់ផ្លូវខ្វះការប្រុងប្រយ័ត្ន រួមផ្សំនឹងអ្នកបើកបរម៉ូតូបើក មានល្បឿនលឿន។វត្ថុតាងរក្សាទុកនៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តកំពង់ធំ ដើម្បីកសាងសំណុំរឿងតាមនីតិវិធី ៕ ប៊ុន​រិទ្ធី​