រថយន្តឡិចស៊ីRX-300បើកបុកក្បាលរបាំងថ្មពុះចែកទ្រូងផ្លូវខូចខាត

ភ្នំពេញ៖ រថយន្តម៉ាកឡិចស៊ីសRX-300 មួយគ្រឿងបើកលឿនជ្រុលរបាំងថ្មពុះចែកទ្រូងផ្លូវបណ្ដាលឲ្យក្រពឹតមុខខូចខាតទាំងស្រុង។

ហេតុការណ៍នោះបានកើតឡើង កាលពីវេលាម៉ោង១១និង០០នាទីព្រឹកថ្ងៃសុក្រ ៦រោច ខែចេត្រ ឆ្នាំរកា នព្វស័ក ពស២៥៦១ ត្រូវនិង ថ្ងៃទី៦ ខែមេសា ឆ្នាំ២០១៨ នៅតាមមហាវិថីសហព័ន្ធរុស្ស៊ី ត្រង់ចំណុចមុខព្រលានយន្តហោះអន្តរជាតិភ្នំពេញ ភូមិក្បាលដំរី សង្កាត់កាកាប ១ ខណ្ឌពោធិ៍សែនជ័យ ។

តាមប្រភពព័ត៌មានបានឲ្យដឹងថា នៅមុនពេលកើតហេតុខាងលើគេបានឃើញរថយន្តឡិចស៊ីសRX-300 មួយគ្រឿងនេះពណ៍ទឹកមាសពាក់ស្លាកលេខភ្នំពេញ2O-4128 ធ្វើដំណើរក្នុងទិសដៅពីលិចទៅកើត លុះទៅដល់ត្រង់ចំណុចកើតហេតុនោះ សង្ស័យជែងរថយន្តផ្សេងទៀត ឬក៏ឆ្លងផ្លូវក៏បានបុកក្បាលរបាំងថ្មពុះចែកទ្រូងផ្លូវពេញទំហឹង បណ្ដាលឲ្យក្រពឹតរួញខូចខាតទាំងស្រុងនិងជាប់ជាមួយរបាំងថ្មនោះតែម្ដង។ក្រោយពេលកើតហេតុនគរបាលបានចុះទៅកាន់កន្លែងនោះស្ទូចយករថយន្តទៅរក្សាទុករង់ចាំឲ្យម្ចាស់ចូលខ្លួនទៅដោះស្រាយនៅពេលក្រោយ ៕ សុខាសែនជ័យ