អគ្គីភ័យឆាបបំផ្លាញផ្ទះលោកតាវ័យ៨១ឆ្នាំមួយ នៅក្រុងបាត់ដំបង

ខេត្តបាត់ដំបង៖ មានគ្រោះអគ្គិភ័យមួយបានបំផ្លាញផ្ទះ១ឈើមួយខ្នង នៅវេលាម៉ោង ០៧និង៥០នាទីព្រឹកថ្ងៃអង្គារ៍ ១០រោច ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី១០ ខែមេសា ឆ្នាំ២០១៨ នៅត្រង់ចំណុចក្រុទី១ ភូមិរំចេក១ សង្កាត់រតនៈ ក្រុងបាត់ដំបង ។

នគរបាលក្រុងបាត់ដំបង បានឲ្យដឹងថា ម្ចាស់ផ្ទះឈ្មោះ នាង ជា ភេទប្រុស អាយុ ៨១ឆ្នាំ។ ជនរងគ្រោះរូបនេះខាតបង់ ផ្ទះឈើ ១ខ្នង ទំហំ ៥ម៉ែត្រ×៧ម៉ែត្រ ធ្វើអំពីថ្មក្រោម ឈើលើជញ្ជាំងក្តាដំបូលស័ង្កសី ។ រីឯសម្ភារៈបាត់បង់រួមមាន លុយខ្មែរចំនួន ៥លានរៀល ខ្សែដៃ ១ខ្សែ ខ្សែក ១ខ្សែ ទូរទស្សន៍ ១គ្រឿង និងសម្ភារ:ប្រើប្រាស់មួយចំនួនទៀត ។

ករណីនេះ កម្លាំងនគរបាលជំនាញបង្ការនិងពន្លត់អគ្គិភ័យនៃស្នងការដ្ឋាននគរបាលខេត្ត បានឲ្យដឹងថា អគ្គិភ័យកើតឡើងសង្ស័យបណ្តាលមកពីទុស្សេខ្សែភ្លើង ហើយសមត្ថកិច្ចបានប្រើប្រាស់រថយន្ត ពន្លត់អគ្គិភ័យចំនួនពីរគ្រឿងទើបបាញពន្លត់រលត់ជាស្ថាពរ ៕ សហការី