សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ មានករណីឆ្លងចរន្តអគ្គិសនី ឆេះខ្សែកាប្លិអុបទិកលើបង្គោលភ្លើង បង្កការភ្ញាក់ផ្អើលទាំងយប់អធ្រាត្រនៅវេលាម៉ោង១១និង០២នាទីយប់ ថ្ងៃពុធ ១១កើត ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៥ ខែមេសា ឆ្នាំ២០១៨ នៅតាមបង្គោលខ្សែភ្លើងមួយដើមដែលបំពាក់ទៅដោយខ្សែកាប្លិ៍អុបទិករញៃរញ៉ៃ មិនមានសណ្តាប់ធ្នាប់តាមបណ្តោយ វិថីមិត្តភាព ស្ថិតក្នុងសង្កាត់លេខ០២ក្រុងព្រះសីហនុ ខេត្តព្រះសីហនុ។
ក្នុងហេតុការណ៍ឆ្លងចរន្តអគ្គិសនីឆាបឆេះ នៅលើបង្គោលភ្លើងបានបង្កឡើងឲ្យមានកាភ្ញាក់ផ្អើលដល់បងប្អូនប្រជាពលរដ្ឋ ដែលមានលំនៅឋានក្បែរកន្លែងកើតហេតុ ដែលកំពុងតែសម្រាកលង់លក់ និ ភ្ញៀវទេសចរណ៍ជាតិ អន្តរជាតិកំពុងតែធ្វើដំណើរតាមដងវិថីខាងលើ អំពីសុវត្ថិភាពផ្ទាល់ខ្លួន ខណ:ដែលអណ្តាតភ្លើងបានឆេះខ្សែភ្លើងដាច់ធ្លាក់រាយប៉ាយមកលើដងផ្លូវអាចប្រឈមគ្រោះថ្នាក់ឆក់ ដល់ស្លាប់ដែើមន្ត្រីជំនាញអគ្គិសនីមិនទាន់បានបិទទូបញ្ជាការចែកចាយចរន្តប្រើប្រាស់។
បន្ទាប់ពីមានហេតុការណ៍ខាងលើបានរថយន្តបង្ការ និងពន្លត់អគ្គិភ័យ របស់ស្នងការនគរបាលខេត្តព្រះសីហនុ និងរថយន្តបង្ការ និងពន្លត់អគ្គិភ័យកំពង់ផែស្វយ័តបានជួយអន្តរាគមន៍ក្នុងការបាញ់ទឹកពន្លត់ទប់ស្កាត់ការឆេះឆ្លងរាលដាលដល់លំនៅឋានប្រជាពលរដ្ឋដែលនៅក្បែរកន្លែងកើតហេតុ។
ប្រជាពលរដ្ឋនៅក្នុងខេត្តព្រះសីហនុ ក៏ដូចជាភ្ញៀវទេសចរណ៍ជាតិ និងអន្តរជាតិបានរិះគន់ចំៗទៅលើក្រុមហ៊ុនខ្សែកាប្លិអុបទិកដែលពឹងផ្អែកលើបង្គោលភ្លើងអង្គភាពអគ្គិសនី ហើយមិនមានការទទួលខុសត្រូវក្នុងការរៀបចំខ្សែកាប្លិ៍របស់ខ្លួនឲ្យបានត្រឹមត្រូវនៅតាមបង្គោលភ្លើងដែលមាននៅក្នុងខេត្តតាមដងវិថីនានាតែងតែសង្កេតឃើញដាច់ធ្លាក់រាយប៉ាយបង្កភាពមិនរៀបរយ និងផ្តើមចេញជាការឆ្លងចរន្តឆាបឆេះបង្កភាពភ័យខ្លាចដល់បងប្អូនប្រជាពលរដ្ឋជាញឹកញាប់ ៕ ឆ្លាម សមុទ្រ
