សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នគរបាលបានប្រាប់ថា កាលពីវេលា ម៉ោង ១០យប់ថ្ងៃសៅរ៍ ៦រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៥ ខែឧសភា ឆ្នាំ២០១៨ លើផ្លូវជាតិលេខ៤ ចន្លោះគីឡូម៉ែត្រ ២១០-២១១ ស្ថិតនៅក្នុងភូមិបិតត្រាង ឃុំបិតត្រាង ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើងរវាង រថយន្ត 01គ្រឿងម៉ាក Hyundai ពណ៌ ក្រហម ពាក់ស្លាក លេខភ្នំពេញ 3C-5657 (ជាកម្មសិទ្ធរបស់ក្រុមហ៊ុន T.R ) អ្នកបើកបរមិនស្គាល់អត្តសញ្ញាណ មានទិសដៅពី ខេត្តព្រះសីហនុ ឆ្ពោះទៅ ភ្នំពេញ លុះដល់ចំណុចខាងលើក៏ប៉ះនឹងម៉ូតូ 01គ្រឿងម៉ាក HONDA Click ពណ៌ទឹកប្រាក់ ពាក់ស្លាក លេខ ព្រះសីហនុ 1C-7718 បើកបរដោយឈ្មោះ ស្រឿ គឹម ស្រិច ភេទ ប្រុស អាយុ 40ឆ្នាំ ទីលំនៅខេត្តត្បូងឃ្មុំ ដែលមានទិសដៅស្របគ្នា បន្ទាប់មកត្រូវរថយន្ត 01គ្រឿងពាក់ស្លាក លេខភ្នំពេញ 3C-6345 ជាកម្មសិទ្ធរបស់ក្រុមហ៊ុន ហុង ឡេងហ៊ួរ មកបុកពីក្រោយ ;អ្នកបើកបរមិនស្គាល់អត្តសញ្ញាណ ) មានទិសដៅស្របគ្នា បណ្ដាលឲ្យឈ្មោះ ស្រឿ គឹមស្រិច អ្នកបើកបរម៉ូតូរងរបួស បានបញ្ជូនទៅព្យាបាលនៅគ្លីនិកមិត្តភាព។
រីឯវត្ថុតាង រថយន្តចំនួន ០២គ្រឿង និង ម៉ូតូ ០១គ្រឿង បានយកមករក្សាទុកនៅការិយាល័យនគរបាលចរាចរណ៍ផ្លូវគោកខេត្ត ៕ ឆ្លាម សមុទ្រ
