សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តដឹកប្រេង១គ្រឿង បានបោះពួយយ៉ាងលឿនហើយបានគេចពីម៉ូតូសណ្តោងរ៉ឺម៉កមួយគ្រឿង ក៏ជ្រុលទៅបុកនិងបង្គោលភ្លើងបាក់អស់ចំនួន៤ដើម ហើយនៅមិនទាន់អស់ល្បឿនក៏បន្តទៅគៀរបងវត្តនិងបុកដើមអង្កាញ់១ដើមទៀត ទើបទៅមុខលែងរួច។
ហេតុការណ៍នេះ បានកើតឡើងកាលពីវេលាម៉ោង៧និង៥០នាទីព្រឹក ថ្ងៃពុធ ១០រោច ខែពិសាខ ឆ្នាំច សំរិទ្ធិស័ក ព.ស. ២៥៦២ ត្រូវនឹងថ្ងៃទី៩ ខែឧសភា ឆ្នាំ២០១៨ នៅតាមផ្លូវបេតុងជិតវត្តជន្លុងម្លូរ ភូមិព្រៃរងៀង សង្កាត់ភ្លើងឆេះរទេះ ខណ្ឌពោធិ៍សែនជ័យ។
តាមប្រភព័ត៌មានបានឲ្យដឹងថា នៅមុនពេលកើតហេតុគេបាលឃើញរថយន្តដឹកប្រេង១គ្រឿងនោះពណ៍ក្រហមពាក់ស្លាកលេខភ្នំពេញ3D-5022 បើកបរដោយបុរសមិនស្គាល់ឈ្មោះម្នាក់ ធ្វើដំណើរក្នុងទិសដៅពីលិចទៅកើតក្នុងល្បឿនលឿន ។ លុះពេលទៅដល់ត្រង់ចំណុចកើតហេតុខាងលើស្រាប់តែមានរ៉ឺម៉កម៉ូតូ១គ្រឿងបើកបរស្របគ្នាទៅដល់ ហើយបានជែងប៉ុន្តែមិនទាន់ផុតស្រួលបួលផងបានបត់ចូលទៅខាងមុខរថយន្ត។ដែលជាហេតុធ្វើឲ្យរថយន្តខំបើកកគេចចេញព្រោះខ្លាចបុករ៉ឺម៉កម៉ូតូនោះបណ្ដាលឲ្យរថយន្តខាងលើររចង្កូតជ្រុលទៅបុករះ បង្គោលខ្សែកាប្លិ៍ក្រោមដីបាក់អស់ចំនួន៤ដើមនិងគៀរ របងវត្តជន្លុងម្លូរប៉ុន្តែមិនបណ្ដាលឲ្យរបងវត្តបាក់ឡើយ បន្ទាប់មករថយន្តនេះបានជ្រុលបន្តទៅបុកដើមអង្កាញ់១ដើមទៀតទើបឈប់ស្ងៀម។
ក្រោពេលកើតហេតុនគរបាលចុះទៅកាន់ទីនោះហើយឲ្យអ្នកបើកបររថយន្តសម្របសម្រួលជាមួយគណៈកម្មការអាចារ្យ វត្តនោះ បញ្ចប់រឿង ៕ សុខាសែនជ័យ
